15-й Регион. Информационный портал РСО-Алания
Сейчас во Владикавказе
-5°
(Ясно)
77 %
1.66 м/с
Йæ фарн — æнусон
19.01.2010
12:45
Йæ фарн — æнусон

Афæдз рацыд номдзыд дирижёр , Советон Цæдисы адæмон артисткæ Дудараты Вероникæ нæ дунейæ куыд фæцух, уыцы бонæй. Зæххыл бирæ фæцæрын диссаг нæу. Сæйрагдæр у уæлæуыл хорз ном, хорз фæд ныууадзын. Æмæ ацы хъуыддаг йæ къухы бафтыд æртывæрæй. Вероникæ райгуырд Бакуйы. Йæ фыд Асланбег уыд йæ рæстæджы зындгонд инженер-нефты куыстгæнæг. Кæд ацы куыст йæ сæйрагыл нымадта Асланбег, уæддæр йæ зæрдæйы уарзт музыкайыл дæр æххæссыд. Уыцы рæстæг Бакуйы арæх æфтыдысты гастролон балцыты зындгонд зарæггæнджытæ : Собинов, Пирогов, Ойстрах æмæ æндæртæ.

Ацы номдзыд вокалисты концерттæм арæх цыд Дудараты Асланбег. Фæстæдæр йæ чызг, фидæны номдзыд дирижёр Вероникæ куы фембаргæдæр, уыд йæ зæрдæмæ арф исын райдыдта музыкалон аивады рæсугъддзинад. Сæ сабийы тырнындзинад æнæбафиппайгæ нæ фесты йæ ныййарджытæ. Вероникæ райдайæн музыкалон ахуырад райста курдиатджын сабиты скъолайы (Бакуйы консерваторийы цур уыд ацы ахуыргæнæндон). Фæстæдæр йæ мысинæгты Вероникæ фыста: «Æз æнæ музыкæ нæ фæразын. Цыма мæ зæрдæйы рæбынæй хъуысынц йæ зæлтæ афтæ мæм фæкæсы, цыма музыкæ гуыргæ дæр мемæ ракодта.»
Ацы ныхæстæн æвдисæн Вероникæ Петербурджы консерваторийы фортепианойы хайады студент уæвгæйæ цасдæр рæстæджы фæстæ, симфонион оркестры дирижёры дæсныйадыл сахуыр кæнын кæй сфæнд кодта, уый. Уый та хуымæтæджы нæ. Уарзта симфонион оркестры зæлтæ. Йæ равзæрст дæсныйады Вероникæ кодта æнæрынцойæ фыдæбон. Æхсæв-бон нæ хатгæйæ куыста йæ курдиаты авналæнтæ фæуæрæхдæр кæныныл Вероникæйыл тынгæй-тынгдæр æууæндын райдыдтой йæ ахуыргæнæг номдзыд прфессортæ: Л.М. Гиндзбург, А.Т. Столяров, Н.П. Аносов, Н.С, Голованинов.
Дудараты Вероникæ ахуыры фæстæ кусынмæ бацыд Мæскуыйы падзахадон симфонион оркестрмæ(1989 аз). Фыццаг уыд йæ дирижёр, 1960æм азæй суанг 1989 азмæ та фæкуыста оркестры аивадон разамонæг æмæ дирижёрæй. Дудараты Вероникæйы курдиаты авналæнтæ æгæрон уыдысты. Йемæ æнцон кусæн нæ уыд, уый домдта йæхицæй æмæ оркестры музыканттæй.

Дудараты Вероникæ æрыгон музыканттæн дæр йæ бирæ зонындзинæдтæ не?вгъау кодта, фæлæ иу йæ куыстмæ уæлæнгай, куыдфæндыйы цæстæй чи каст, уыдон та ирвæзт нæ уыдысты йæ уайдзæфтæй.
Музыкæйæ уæлдай номдзыд дирижёр йе?ргом здæхтæ театр, нывгæныны аивадмæ. Чысыл сабийæ бауарзта аивадон литературæ. 7-8 аздзыдæй бакаст Золя æмæ Мапассаны уацмыстæ. Кæддæриддæр йæ зæрдæйы хицæн бынат уыд Толстойы, Тургеневы, Чеховы æмæ Бунины сфæлдыстадæн дæр.
Нæ бæстæйы рацарæзты дуг куы райдыдта, уыцы рæстæг æппæццæгæй фæзынд аивадыл, культурæйы рæзтыл. Фæлæ нæ Дударон нæ фæтарст рæстæджы цæфтæй. 1991 азы Вероникæ бындур æрæвæрдта паддзахадон симфонион оркестрæн, æмæ йæ царды фæстаг бонты онг, уыд йæ сæйраг дирижёр æмæ аивадон разамонæг.
Нæ номдзыд æмзæххоны тыххæй зындгонд композирот, Советон Цæдисы адæмон артист, Тихон Хренников афтæ загъта:» Вероника ? дирижёр огромного темперамента, огромной силы и эмоционального воздействия на публику. Поэтому она и пользуется у публики большим успехом. Что касается особенных репертуарных пристрастий Вероники, то я не могу сказать, что ей ближе русские или зарубежные композиторы. Она играет всё, чувствуя по-настоящему стиль данного композитора, данного сочинения, которое исполняет.»
Дудараты Вероникæ цы дыууæ симфонион оркестры сæргъы лæууыд, уыдоны музыканттимæ классикон музыкæйы бæрзонд аивад æвдыста Уæрæсейы, раздæры Советон Цæдисы бирæ горæтты æмæ фæсарæйнаг бæстæты. Фæлæ дзы никуы рох кодта йæ фыдæлты бæстæ ? Ирыстон. Йæ курдиаты æгæрон тых цас аххæссыд, уый бæрц, Вероникæ, архайдта ирон композиторты аивад, сæ уацмыстæ сын дзыллæтæм хæссыныл. Мæ ныхæсты æцæгдзинадæн æвдисæн 1960 азы Мæскуыйы, ирон аивад æмæ литературæйы декада. Иннæмæй та Дудараты Вероникæ йæ симфонион оркестры музыкантты руаджы Цæгат Ирыстоны гимн, æмбæлгæ хуызы райхъуыст(йæ музыкæйы автор Царионты Аркадий, ныхæсты автор— Ходы Камал).

Уæрæсейы зындгонд музыкант Павел Коган Вероникæйы тыххæй загъта,зæгъгæ, йæ номимæ баст кæй у классикон музыкайы æнæхъæн дуг. Ацы ныхасы æцæгдзинад уырнинаг уыдзæн кæддæриддæр.15-Й РЕГИОН