15-й Регион. Информационный портал РСО-Алания
Сейчас во Владикавказе
24°
(Облачно)
44 %
5 м/с
$ — 00,0000 руб.
€ — 00,0000 руб.
11 январы уыдзæн Цæгат Ирыстоны Культурæйы сгуыхт кусæг Плиты Мæдинæйы мысæн изæр
03.01.2012
18:02

Тæбæхсæуты Балойы номыл ирон академион театры 11 январы уыдзæн Цæгат Ирыстоны Культурæйы сгуыхт кусæг Плиты Мæдинæйы мысæн изæр. Ирон театры литературон хайады сæргъыл лæугæйæ Мæдинæ архайдта йæ фыд Грис æмæ ирон айвады дæсныты цард æмæ сфæлдыстад цæуыл æнцадысты, уыцы хæзнатæ адæмы зæрдæтæм хæссыныл. Уый уыд ирон литературæйы цæргæс Плиты Грисы базыртæй иу, йæ уд бахсыст цæргæсы ахстоны æмæ ссис нæ дуджы хъæбатыр. Йæ фæрцы цардмæ хаст æрцысты бирæ стыр проекттæ, сæ ахсджиагдæртæй иу уыд Цæгат Кавказы адæмон театрты фестиваль «Æнæарæн сценæ». Хæхты авдæны æфсымæрдзинад куы фæцудыдта, уæд ацы фестиваль ссис бæттæг цæг.
11январы 1830 ирон театры райдайдзæн Плиты Мæдинæйы номарæн изæр . Бузныджы ныхæстимæ йæ чи мысдзæн, уыдоны хсæн сты: Гæздæны Булат, Цырыхаты Мурат, Хадыхъаты Аллæ, Дауыраты Эдуард, Трио «Фидæн», Саутуалты Аслан, Æлбегаты Алан, Лалыты Хъазыбег, Фардзинты Батрадз, Бестауты Дианæ, Æлбегаты Аннæ, Бекъойты Вано, ХПАУ адæмон кафты ансамль «Хохаг» æмæ æндæртæ.15-Й РЕГИОН