15-й Регион. Информационный портал РСО-Алания
Сейчас во Владикавказе
-1°
(Ясно)
100 %
0.9 м/с
Æхсæнадон транспорты пассажирты бартæ хъахъхъæд цæудзысты ноджы карздæрæй
03.03.2011
15:35

Республикæйы фæлхасадон цæстдарды управленийы уынаффæмæ гæсгæ æхсæнадон транспорты пассажирты бартæ хъахъхъæд цæудзысты ноджы карздæрæй. Уый тыххæй республикæйы сæйраг санитарон дохтыр Бутаты Таймураз фехъуысын кодта сæрмагонд ведомствæты минæвæрттимæ арæзт æмбырды.
Хуынд æм æрцыдысты маршрутон такситы шофыртæ дæр. Цыбыр рæстæгмæ æмбырд рахызт быцæумæ. Шофыртæ разы сты рæстæгæй рæстæгмæ се нæниздзинад дохтыртæм бæрæг кæныныл, машинæты уавæрмæ цæст дарыныл æмæ фæндаггон закъæттæ æххæст кæныныл, фæлæ бафиппайдтой кусынæн сын æмбæлгæ уавæртæ кæй нæй, уый дæр. Дзæуджыхъæуы фæндæгтæм æрвылбон рацæуы тынг бирæ маршрутон таксийы.
Æмбырды рæстæг республикæйы промышленность, транспорт æмæ бастдзинады министрады æмæ горæты транспорты управленийы разамынд докладтæ скодтой, уавæр фæхуыздæр кæнынæн цы куыст бакодтой уый фæдыл, æрдзырдтой сæ фидæны пълантыл. Фембæлды архайджытæ æрцыдысты иу хъуыдымæ. Сæ куысты цы зындзинæдтæ ис, уыдон хъуамæ бæлццæтты ма хъыгдарой.ГТРК «Алания»