15-й Регион. Информационный портал РСО-Алания
Сейчас во Владикавказе
-2°
(Ясно)
86 %
2 м/с
$ — 92.2628 руб.
€ — 99.7057 руб.
Æхсæнадон змæлд “Нæ Ирыстон”-ы бæрæгбоны агъоммæ Арыдоны арæзт æрцыд концерт
04.03.2011
13:20

Фæззæджы æхсæнадон змæлд "Нæ Ирыстон"-ыл æххæст кæны 20 азы. Йæ бæрæгбоны агъоммæ сарæзта программæ. Уымæ гæсгæ фыццаг концерт радта Арыдоны. Бæрæгбонмæ хуынд адæммæ Арыдоны æнхъæлмæ кастысты ирон æгъдаумæ гæсгæ æртæ кæрдзынимæ. Нæ республикæйы цæры бирæ адæмы хæттытæ, алкæмæн дæр сæ ис йæхи культура, йæхи æгъдæудтæ. Алчи дæр сæ æмбары æнæ уыцы хæзнайæ цæрæн кæй нæй, уый. Адæмы уыцы хъуыды парахат кæныныл стæй, адæмæн кæрæдзи æгъдæудтæн кад кæныны фарстатыл нæ республикæйы, тынг зæрдиагæй кусынц нациты æхсæн æхсæнадон змæлд «Нæ Ирыстон», æхсæнадимæ бастдзинады министрад æмæ хæлардзинады хæдзары уæнгтæ.

Ацы мадзалы Æрыдоны районы цæрæг адæмыхæттытæ уазджыты зонгæ кодтой сæ традицитæ æмæ сæ националон хæринæгтимæ, алкæйы бон дæр сæ уыд ацаходын.

Æхсæнадон змæлд «Нæ Ирыстоны» юбилейы кадæн бæрæгбоны фыццаг концерты фенæн уыд, бирæ адæмы хæттыты кæфтытæ æмæ цæгътытæ. Уыдон уазджытæн æмбарын кодтой, Ирыстоны æппæт адæмы хæттытæ дæр иу бинонтау хъуамæ, кæй цæрой. Уымæн æмæ, иу æвзагыл нæ дзургæйæ нæ, уыцы хъуыддæгтæ хæстæгдæр кæнынц.

Лымæн цардæй хуыздæр ницы ис, æмæ йыл кæрæдзийыл аудгæйæ кусын уымæн хъæуы. Арыдоны цы фæсивæд æрбамбырд, уыдон арæхдæр куы уыной иннæ адæмы хæттытимæ иумæййагæй арæзт рæсугъддзинæдтæ, уæд нæ фидæн уыдзæн бæллиццаг.

Змæлды ахадындзинад, нæ республикæйы адæмы цардыл хорзырдæм кæй бæрæг кæны уымæн æвдисæн уыд, ацы бæрæгбон, сæ дарддæры æнтыстджын куыстæн дæр уыдзыстæм æвдисæн.
ГТРК «Алания»