Æрыдоны районы аудынц хистæртыл
Паддзахады фыццаг радон хæстæй иу у ацæргæ адæмы цард фæхуыздæр кæнын. Уымæ гæсгæ Æрыдоны районы дæр ныр къорд азы кусы хистæр кары адæм сæ рæстæг кæм æрвитынц, ахæм центр. Ам сын кæнынц алыхуызон æххуыс – бон дыууæ хаты раттынц хъарм хæринаг, исынц ма медицинон, психологон æмæ æндæр профессионалон æххуыс. Æдæппæтæй дзы ис 30 адæймаджы. Сæ бон цæуын кæмæн нæу, уыцы 25 –æн та хæринаг хæссынц сæ хæдзæрттæм.
Хистæр кары адæм разы сты, цы цæстдард сæм ис, уымæй. Зæрдæхæлар специалисттæ та не вгъау кæнынц сæ фæлтæрддзинад æмæ хъару. Иумæйагæй бацæттæ кæнынц цымыдисаг æмæ хъæлдзæг программæтæ, сæхи фæирхæфсынц алыхуызон хъæзтытæй.ГТРК «Алания»