15-й Регион. Информационный портал РСО-Алания
Сейчас во Владикавказе
12°
(Облачно)
87 %
2 м/с
 Байгом ис Ирыстоны сгуыхт нывгæнæг Хæребаты Валаны сæрмагонд равдыст
22.10.2010
17:03

Баст уыдис йæ 70 азы юбилейымæ. Хаст æм æрцыдысты алы рæстæджыты конд нывтæ. Æдæппæтæй 100 куыстæй фылдæр живопись æмæ графикæйы жанрты. Бирæтæ дзы уыдысты музейы фонды. Живописы Валан рагæй ныв кæны.
Графикæйы жанры та кусын райдыдта 93-æм азы. Æмæ йын, кæй зæгъын æй хъæуы,уайгæ дæр хорз ракодта.
Хæребаты Валан нывкæнынадæй фæстæмæ ма йæхи фæлвæрста литературæ æмæ журналистикæйы. 60-æм азты кæрон каст фæцис Ломоносовы номыл мæскуыйаг паддзахадон университеты журналистикæйы факультет.
Ацы равдыст Валанæн у дыккаг. Советон Цæдисы рæстæг-иу æдзух архайдта республикон, регионалон æмæ уæрæсейаг равдыстыты. Нывгæнæджы сфæлдыстадмæ бакæсынмæ æрбацыдис бирæ адæм: аивады къабазы минæвæрттæ, студенттæ, йæ хæстæджытæ.
Равдыст бацæттæ кæнынæн стыр æххуыс бакодта нæ республикæйы культурæйы министрад æмæ Тугъанты Махарбеджы номыл музей.
Хæребаты Валан, РЦИ-Аланийы сгуыхт нывгæнæг: «Ацы нывтæ фылдæр сты коллективон сурæттæ, портреттæ. Уыцы портреттæ иууылдæр сты бæлвырд адæм – нæ ирон культурæйы архайджытæ: музыканттæ, нывгæнджытæ. Фылдæр нывгæнджытæ. Мæ фæстæ цы ныв ис, «Авангард 80», уым сты 80-æм азты уыцы къабазы чи куыста, уыдон».
Дзиуаты Батраз, УФ-йы сгуыхт нывгæнæг: «Сомихаг уынджы æрмадзмæ хъуамæ æндæр чидæр æрбацыдаид – зæрдæмæдзæугæ нывгæнæг нæ уыдаид. Æмæ Аланæн афтæ зæгъын: «Цом рæвдз æмæ уыцы бынат æрцахсæм». Фæлæ нæ уæндыд. Æмæ йын мæхæдæг йæ ахорæнтæ бахастон. Афтæмæй райдыдта кусын. Уæд зоналон æмæ уæрæсейаг равдыстытæ уыдис, æмæ уыдоны архайдта. Стæй та йæ Цæдисмæ райстой. Аланы нывтæ æз федтон абон æмæ дзы алы нывмæ дæр зæрдиагæй бакастæн. Ахæм алыхуызон кæй у, уый хорзы хъуыддаг у. Йæ хуызджын ахорæнтæ йын рагæй зыдтон, графикæйæ дæр хицæн куыстытæ зыдтон, фæлæ иумæ райсгæйæ тынг цæстахадгæ сты».ГТРК «Алания»