15-й Регион. Информационный портал РСО-Алания
Сейчас во Владикавказе
(Облачно)
87 %
2 м/с
$ — 00,0000 руб.
€ — 00,0000 руб.
Абон у онкологон низтимæ тох кæныны æппæтдунеон бон
04.02.2014
13:20

Фидаргонд æрцыд 2005-æм азы. Йæ нысан у, адæмы ргом ацы тæссаг низмæ раздахын. Статистикæйы бæрæггæнтæм гæсгæ, æрвылаз нæ бæстæйы онкологон низ разыны 4-5-сæдæ адæймагмæ. Парахат у сывæллæтты хсæн дæр. Нæ программæйы уын радзурдзыстæм Тулойты Георгийы тыххæй.

Йæ уарзон жираффæ Давидикы Тулойты Георгий нæ дæтты йæ фыдмæ дæр. Хъазæн схуыдта йæ хуыздæр æмбалы номæй. Йемæ-иу цыдис рæвдауæндонмæ. Ныр афæдзы бæрц Георгий уым нал вæййы. 2 азы æмæ йыл æрдæг куы цыдис, уæд æм рабæрæг уæззау низ – лейкоз. 8 мæйы бæрц æй квотæмæ гæсгæ дзæбæх кодтой Дмитрий Рогачевы номыл сывæллæтты гематологийы æмæ онкологийы федералон центры. Скодтой йын химиотерапийы курсытæ. Ныр æй 6 къуыримæ рарвыстой сæхимæ. Мартъийы та бинонты ногæй хъæудзæн Мæскуымæ ацæуын.

Алы къуыри дæр Георгий фæдæтты туджы анализ. Уымæ гæсгæ йын снысан кæнынц, пуринетол æмæ метотрексат ын цас дæттын хъæуы, уый. Афтæ сывæллоны дзæбæх кæнын хъæуы æппын къаддæр 2 азы. Хостæ сты тынг зынаргъ. Сæ балхæнынæн бинонтæм фаг фæрæзтæ нал ис. Æххуыс сын кæнынц адæм. Пуринетолæй сæ сæххæст кодта иу зæрдæхæлар адæймаг, метотрексат æмæ иннæ хъæугæ препараттæ балхæнынæй та сын зæрдæ бавæрдтой Русфонды.

Георгийæн æмæ иннæ рынчын сывæллæттæн баххуыс кæнын кæй фæнды, уыдонæн сæ бон у арвитын дзырд «дети» номыр 5541-мæ. Смс-хъусынгæнинаджы аргъ у 75 сомы.ГТРК «Алания»