15-й Регион. Информационный портал РСО-Алания
Сейчас во Владикавказе
(Облачно)
87 %
2 м/с
$ — 00,0000 руб.
€ — 00,0000 руб.
Абон уыд Хицауады æмбырд. Амыдта йæ Такъоты Сергей
24.01.2014
22:40

Адæмæн куыст ссарыны æххуысгæнæг паддзахадон программæ æххæст кæнынæн фидаргонд æрцыдысты адæмы алы къордтæн куыст дæттыны уагæвæрдтæ. Уыцы къордтæм хауынц инвалидтæ, бирæ сывæллæттæ кæмæн ис, ахæм ныййарджытæ. Уымæй уæлдай паддзахадон программæйы нысангонд сты æгуыст адæмæн, стæй 3 азы онг кæуыл цæуы, ахæм сабимæ чи зилы, уыцы мадæлтæн уæлæмхасæн ахуырад раттыны мадзæлттæ.

Такъоты Сергей куыд бафиппайдта, афтæмæй республикæйы Сæргълæууæг Мамсыраты Таймуразы æмæ Уæрæсейы хъахъхъæнынады министр Сергей Шойгуйы иумæйаг бадзырдмæ гæсгæ, Дзæуджыхъæуы кадетты скъола-интернатæй фæстæмæ скæндзысты Суворовон училищæ, æмæ афтæмæй кусын хъуамæ райдайа 1-æм сентябры.

Республикæйы санитарон уавæр фæхуыздæр кæнынæн, сæрмагонд программæмæ гæсгæ, æлхæд æрцыдысты 8 машинæйы æмæ 139 хауæдздзæгтæ æмбырдгæнæны. Уыдон уæрст æрцыдысты æппæт районтыл. Хицауад æркаст æндæр фарстатæм дæр.
ГТРК «Алания»