15-й Регион. Информационный портал РСО-Алания
Сейчас во Владикавказе
-1°
(Облачно)
80 %
1 м/с
Ацыд 12-æм республикон конкурс “Эрудит” информатикæ æмæ нымайæн техникæйæ
15.03.2011
14:32

14-æм мартъийы ахуырады кусджыты зонындзинæдтæ фылдæр кæныны институты ацыд 12-æм республикон конкурс «Эрудит» информатикæ æмæ нымайæн техникæйæ. Архайдтой дзы, 12 азæй 17-æм азы онг кæуыл цæуы, ахæм сывæллæттæ. Конкурсæн æвдисæн уыд не сфæлдыстадон къорд.
1999-æм азæй ацы конкурс цæуы республикон программæ «Курдиатджын сывæллæттæ» æххæст кæнгæйæ. Бацæттæ йæ кодтой республикæйы ахуырад æмæ наукæйы министрад, стæй ахуырады кусджыты зонындзинæдтæ уæлдæр кæныны институты æмæ сывæллæтты техникон сфæлдыстады центры кусджытæ.
Алы аз дæр æвзонг курдиатджын сывæллæтты нымæц фылдæрæй фылдæр кæй кæны, уый æхсызгон у.
Раиса Зацепина, сывæллæтты техникон сфæлдыстады республикон центры директор: «Фыццæгты сывæллæттæ куы райдыдтой архайын ацы конкурсы, уæд уыдысты 3 командæйы. Абон дзы архайы 16 командæйы, ныр æдæппæтæй абон сты 80-йæ. Кæй зæгъын æй хъæуы уый у тынг æхсызгон махæн».
Конкурс у æрвылазон. Ацы хатт дзы алы ахуырадон учрежденийæ дæр архайдта командæ æмæ хицæн адæймаг. Уыдысты Дзæуджыхъæу, Беслæн, Мæздæг, Горæтгæрон æмæ иннæ районты скъолатæй. Сывæллæттæ куыд зæгъынц, афтæмæй сын конкурсы архайын æнцон нæ уыд.
Хадыхъаты Алинæ, 22-æм скъолайы ахуырдзау: «Æз ахуыр кæнын 22-æм скъолайы. Мæ ахуыргæнæг мæ лæмбынæг цæттæ кодта ацы конкурсмæ. Мæ зæрдæмæ тынг фæцыдис, фæлæ кæй зæгъын æй хъæуы тынг æнцон нæ уыд. Мæхи мæ бафæндыди бавзарын æмæ уымæн архайдтон ацы конкурсы».
Гаглойты Тимур-Ногиры 2-æм скъолайы ахуырдзау: «Информатикæ мæ зæрдæмæ тынг цæуы. Уымæн æмæ æнæ информатикæйæ нæй бацæуæн ницавæр куыстмæ. Абоны конкурсмæ æз мæхи дзæбæх бацæттæ кодтон. Мæ хæслæвæрттæ мæнмæ гæсгæ æз скодтон раст».
Конкурсы сæйрагдæр нысан у фæсивæды æргом фылдæр раздахын информатикæ æмæ програмированимæ, стæй рабæрæг кæнын ацы архайды курдиатджындæрты. Жюрийы хатдзæгтæм гæсгæ уæлахиздзау æмæ призертæн ратдзысты ахуырад æмæ наукæйы министрады дипломтæ. Сæ бон ма уыдзæн архайын æппæтуæрæсеон конкурсы.ГТРК «Алания»