15-й Регион. Информационный портал РСО-Алания
Сейчас во Владикавказе
(Дождь)
100 %
3 м/с
$ — 00,0000 руб.
€ — 00,0000 руб.
Адæмы уавæртæ бирæ аразгæ сты транспорты æнæкъуылымпы куыстæй
13.03.2013
15:21

Беслæны цæрджытæн баххуыс кæныны тыххæй дыууæ азы размæ автобусты маршруттыл кусын райдыдтой такситæ. Бæлццæттæ фыстой фæйнæ туманы, æмæ уый сæ зæрдæмæ фæцыди, фæлæ сæ цин бирæ нæ ахаста.

Беслæны цæрджытæ тынг цин кодтой æхсæнадон транспорты маршруттыл такситæ кусын кæй райдыдтой, ууыл. Туман бафидгæйæ иу алкæй бон дæр уыд æнæкъуылымпыйæ куыстмæ афоныл бахæццæ уæвын.

Ахæм таксийыл Æлдаттаты Сослан кусы 4 азы. Растдæр, зæгъгæйæ, та куыста. Уымæн æмæ сын 2 мæйы размæ сæ куыст баурæдтой. Ныр таксисттæ тыхсынц æгуыстæй кæй баззадысты, уымæй.

8 азы размæ амалхъом адæймаг Бигъаты Эльбрус æрæмбырд кодта машинæтæ кæмæ уыд, ахæм адæмы æмæ кусын райдыдтой æхсæнадон транспорты хуызы. Фæлæ фæстаг цалдæр къуырийы уавæр аивта. Паддзахадон автоинспекцийы кусджытæ бацагуырдтой чи дзы кусы, уыцы шофырты номхыгъд, райдыдтой сæ уромын. Уымæй уæлдай ма сæ фæивар кæнынæй æртхъирæн кæнын райдыдтой.

Шофыртæ сæ хъаст бахастой Беслæны администрацимæ. Беслæны мэр Хуыбаты Маирбег куыд зæгъы, афтæмæй рог хæдтулгæтæн бар нæй æхсæнадон транспорты куыст кæнынæн. Закъонмæ гæсгæ, 8 бадæн бынатæй къаддæр цы машинæйы ис, уый хъуамæ кæна æрмæстдæр таксийы куыст.

Уымæй уæлдай ма ацы чысыл куыстуатмæ нæй лицензи дæр. Фæлæ уыцы хъуыддаджы тыххæй шофыртæм сæхи хъуыды ис.

Кæронбæттæны хатдзæгтæ сты ахæм: Туманыл чи ласы, ахæм такситæм лицензи нæй. Тендермæ гæсгæ ахæм бар ныр ис æндæр куыстуатмæ. Ацы кусæг къорды уæнгтæ та хъуамæ райсой лицензитæ куыд такситыл кусджытæ, афтæ. Кæнæ та кусынмæ бацæуой бæлццæттæ ласынæн тендер чи рамбылдта, æмæ бар кæмæн ис, уырдæм.

Фæлæ Беслæны тумантыл кусæг такситимæ кæндзысты тох – зæгъынц администрацийы.ГТРК «Алания»