Архиепископ Леонид поздравил верующих с Пасхой

Дзæуджыхæу æмæ Аланийы Стыралчер, Сомихы республикæйы Уырысаг Рæстдин Аргъуаны зылдты фæткдæттæг йæ иууылрухсдзинад Леониды Куадзæны арфæйы фыстæг

08.04.2018

11:23

русский / иронау

Архиепископ Владикавказский и Аланский Леонид поздравил верующих Осетии
с наступающим праздником Пасхи, отметив, что воскресение Иисуса Христа – это
воистину «праздников праздник и торжество из торжеств», радость всех радостей… Сын Божий, смиривший Себя до крестной смерти и предавший дух Свой в руки Отца, сошел в бездну, где от века томились души людей.

"Воскресение Иисуса Христа – первая действительная победа жизни над смертью.
Со смертью боролась природа, взывая на место угасших жизней новые; боролись и герои человеческой мысли, великие мудрецы Востока и Запада, но не победили – их уделом, как и всех живых существ, была смерть, после которой они не воскресали. Бессильны перед ней были и люди великой нравственной мощи, ветхозаветные праведники – наравне со злодеями сходили они в мрачные глубины преисподней.

Окончательная победа над смертью не могла быть одержана, пока не был уничтожен
ее источник в мире – грех. И вот в побежденный грехом и смертью мир, «когда пришла полнота времени» (Гал.4,4), явился для его спасения Богочеловек Иисус Христос, всецело осуществивший в Своей жизни волю Бога. Вся Его земная жизнь была свободным подвигом самоуничижения, предпринятым для совершения порученного Ему Небесным Отцом дела. Подвигоположник нашего спасения был «подобно нам искушен во всем, кроме греха» (Евр.4,15), поэтому смерть, как и князь ее, не имели в Нем для себя ничего, Он победил их", — говорится в традиционном пасхальном послании архиепископа Леонида, опубликованном на сайте Владикавказской и Аланской епархии.

Как подчеркнул архиерей, "Воскресение, венчая жизнь Христа как Богочеловека,
венчает и подвиг Его, как Спасителя мира. Оно переродило апостолов из боязливых
рыбаков в самоотверженных проповедников Благой Вести. Со свидетельством о Христе Распятом и Воскресшем выходят они на проповедь, терпя гонения и лишения, и силой веры побеждают мир. Они поняли, что только в воскресшем Христе могут найти удовлетворение глубочайшие запросы человеческого духа. Люди изнурены грехом и алчут правды, жаждут благодатной свободы, страшатся смерти – Христос открывает для них двери желанного бессмертия. Для человека уже не страшна смерть, если он верует во Христа, усваивает своей верой Его праведность, Его вечную жизнь. В воскресении Богочеловека нам дано неложное свидетельство и нашего воскресения".

«В нынешний день праздника, приветствуя друг друга ликующим «Христос
Воскресе!», мы с предельной ясностью ощущаем светлую пасхальную радость и
глубочайшую осмысленность нашего земного бытия. Эти благоговейные чувства
укрепляют в нас веру и надежду, побуждают проводить жизнь свою по заповедям Божиим и творить добрые дела на благо ближним, народу, Отчизне. Снова и снова поздравляю вас с праздником Святой Пасхи, желаю всем щедрой помощи Божией в добрых делах и начинаниях, мира, здравия и благополучия. Да благословит Воскресший Господь каждого из нас, наши дома и семьи, страны и народы! ВОИСТИНУ ВОСКРЕСЕ ХРИСТОС!» – заключил правящий архиерей Владикавказской кафедры.

15-Й РЕГИОН

Чырыстийы ӕмдзинады кӕрӕдзийӕн уарзон сауджынтӕ,ӕфсымӕртӕ ӕмӕ хотӕ!

Апостолон арфӕйы ӕнустӕм цардӕгас дзырдтӕй уын зӕрдæбын арфӕ кӕнын Чырыстийы Рухсрайгасы стыр бӕрӕгбоны фӕдыл:

ЧЫРЫСТИ РАЙГАС!

Чырыстийы Куадзӕн ӕцӕгӕйдӕр у «бӕрӕгбонты бӕрӕгбон ӕмӕ цинты цин». Апостол Петры загъдау: «Чырысти, мах Хуыцаумӕ ӕрхоныны охыл, хъизӕмар бавзӕрста – Йӕхӕдӕг ӕназым уыди, афтӕмӕй азымджынты сӕраппонд амарди уыдоны тӕригъӕдты тыххӕй. Йӕ буар Ын амардтой, фӕлӕ уды ӕгъдауӕй райгас, ӕмӕ афтӕмӕй ацыд ӕмӕ уац хъусын кодта ахст удтӕн» (1 Петр 3: 18-19). Хуыцауы Фырт, дзуарыл амӕлыны онг Йӕхи Чи ӕрныллӕг кодта ӕмӕ Йӕ уд Фыды къухмӕ Чи радта, Уый ныххызти, ӕнустӕй нырмӕ адӕмы удтӕ цы ран джиудтой, уыцы ӕнӕбын дӕлдзӕхмӕ. «Чырыстийы уд зындонмӕ уый тыххӕй ныххызти, цӕмӕй Чырысти, куыд зӕххонтӕн, афтӕ зындоны уӕвджытӕн дӕр фехъусын кодтаид сабырады уац, уацайрӕгтӕн – сӕрибар, куырмытӕн – цӕстӕй ракӕсын ӕмӕ, чи баууӕндыди, уыдонӕн ӕнустӕм суыдаид ирвӕзыны сӕр, ӕнӕуырнджытӕн та се ’нӕууӕнк ӕргомгӕнӕг» (Хрз. Дамаскаг Иуане) Фӕцис мӕлӕты бардарад: «Дауыты дӕгъӕл Кӕмӕ ис, уыцы Сыгъдӕг ӕмӕ Ӕцӕг» (Ӕрг 3:7) бакодта иузӕрдионтӕн фыдӕлты тӕригъӕдӕй ӕхгӕд дзӕнӕты дуар ӕмӕ, мӕлӕтӕй цы удты балхӕдта, уыдоны Йемӕ ӕмбырдӕй Уӕларвмӕ ахуыдта.

Ӕгуыппӕг тар ӕхсӕвы хуыцауӕсконд ӕрдзы ӕнцойафон, мыхуырӕй ӕхгӕд Чырыстийы зӕппадзӕй «Рӕстад, тӕмӕнкалгӕ, феккуырста» (Пс 84:12) Ацы ӕнӕфенгӕ ӕмӕ ӕнӕрцӕугӕ диссагӕн ӕвдисӕнтӕ нӕ фӕцис. Ӕмӕ хъӕугӕ дӕр нӕ кодтой – Чырыстийы Аргъуаны истори йӕ райдайӕнӕй нырмӕ у Рухсайгасы ӕцӕгдзинады ӕнӕфӕцудгӕ ӕмӕ ӕнӕнцой ӕвдисӕн. Чырыстийы зӕппадзы зӕххон хъалагъурты сӕр нал хъӕуы – сӕ бынаты сын уӕларв рухс зӕдтӕ ӕрлӕууыдысты. Чырысти райгас и – ӕмӕ ӕгас дунейы ралӕууыди ӕцӕг уалдзӕг, ног царды райдзаст райсом.

Йесо Чырыстийы Рухсрайгасӕй цард фыццаг хатт ӕцӕгӕй фӕуӕлахиз мӕлӕтыл. Мӕлӕтимӕ тоххъуырдухӕн кодта ӕрдз, амӕлӕг удты бынатмӕ ног удтӕ ӕндидзгӕйӕ, йемӕ тох кодтой зонады сгуыхт адӕймӕгтӕ, Скӕсӕн ӕмӕ Ныгуылӕны стыр куырыхонтӕ, фӕлӕ сӕ ничи фӕуӕлахиз ис – куыд алы цард уд, афтӕ уыдонӕн дӕр сӕ кӕрон уыди мӕлӕт, ӕмӕ сӕ фӕстӕмӕ ничиуал райгас и. Ӕнӕбон уыдысты йӕ разы иууылфӕрнджын стыр адӕймӕгтӕ, рагфӕдзӕхстаг рӕстудтӕ – уыдон дӕр-иу фыдгӕнджыты ӕмрӕнхъ ныххызтысты зындоны талынг арфмӕ.

Мӕлӕтӕн кӕрон скӕнӕн нӕ уыди, цалынмӕ, дунемӕ кӕй аххосӕй ӕрхауд, уый, ома тӕригъӕд, куынӕггонд ’не рцыди, уӕдмӕ. Ӕмӕ «рӕстӕг куы сӕххӕст и» (Гал 4:4), уӕд тӕригъӕд ӕмӕ мӕлӕтӕн цагъар суӕвӕг дунейы фервӕзыны сӕраппонд фӕзынди, Йе ’ппӕт цардӕй Хуыцауы фӕндон Чи сӕххӕст кодта, Уый –Хуыцауадӕймаг Йесо Чырысти. Чырыстийы зӕххон цард ӕнӕхъӕнӕй уыди хи фесафыны бархи сгуыхтдзинад, Йӕ Уӕларвон Фыд ын Йӕ бӕрны цы хъуыддаг бакодта, уый сӕххӕст кӕныны сӕраппонд. Нӕ фервӕзты Бындурӕвӕрӕг «махау бавзӕрста ӕппӕт фӕлварӕнтӕ, тӕригъӕды йеддӕмӕ» (Дзт 4:15) ӕмӕ уый фӕрцы мӕлӕтӕн дӕр ӕмӕ мӕлӕты ӕлдарӕн дӕр Уымӕй хай нӕ уыдис. Уый сыл фӕуӕлахиз. Уыдон ӕдых разындысты Чырыстийы ӕгӕрон сӕрибар ӕмӕ фӕрнӕйдзаг монон тыхы раз. Мӕлӕты бон канд Чырыстийы уд нӕ, фӕлӕ Чырыстийы буарӕн дӕр ницы баци – «йӕ Буар нӕ бамбыд» (Пс 15:10; Хъд 2:31).

Чырыстийы, куыд Хуыцаудӕймаджы, царды бӕрзӕнд уӕвгӕйӕ, Рухсрайгас у Чырыстийы, Дунеирвӕзынгӕнӕджы, сгуыхты бӕрзӕнд дӕр. Рухсрайгас тӕрсаг кӕсагахсджыты удыхъӕд бынтондӕр аивта, ӕмӕ уыдон систы апостолтӕ, Фарны Уацы ӕнувыд ӕмӕ зӕрдӕргъӕвд амонджытӕ. Дзуарылтыгъд ӕмӕ мӕрдтӕй Растӕг Чырыстийы царды хабӕрттӕ адӕмӕн дзургӕйӕ, уыдон ӕййӕфтой ӕфхӕрд ӕмӕ фыдӕбӕттӕ, фӕлӕ се ’ууӕнчы тыхы фӕрцы дунейыл фӕуӕлахиз сты. Уыдон бамбӕрстой, ӕрмӕст мӕрдтӕй Растӕг Чырыстийы царды кӕй ис ссарӕн дзуапп адӕймаджы моны ахсджиагдӕр домӕнтӕн. Тӕригъӕд адӕмы тыхсаст фӕкодта, ӕмӕ бӕллынц рӕстдзинадмӕ, фарнӕйдзаг сӕрибармӕ, тӕрсынц мӕлӕтӕй – ӕмӕ сын Чырысти гом кӕны бӕллиццаг ӕнӕмӕлӕты дуар. Адӕймаг Чырыстийыл куы ӕууӕнда, уӕд мӕлӕтӕй нал тӕрсы, уымӕн ӕмӕ йе ’ууӕнчы фӕрцы схайджын вӕййы Чырыстийы рӕстаг ӕмӕ ӕнусон цардӕй. Хуыцауадӕймаджы Рухсрайгас махӕн у нӕхи райгасы ӕнӕдызӕрдыг ӕвдисӕн.

Фервӕзыны бӕллиц канд адӕймагмӕ нӕй: фыдбылызӕй фервӕзын ӕмӕ ӕнӕмӕлӕт суӕвыны хъуыды тӕлфы нӕ алыварс ӕрдзы дӕр. Хуыцау цы ӕгъдау радта, уый адӕймаджы тӕригъӕды аххосӕй куы фехӕлд, уӕдӕй фӕстӕмӕ дун-дуне фӕиппӕрд и раст фӕндагӕй ӕмӕ хъизӕмар кӕны, ӕнхъӕлмӕ кӕсы Чырысти Йӕ Рухсрайгасӕй ӕгас дунейӕн фӕндаг кӕдӕм скодта, уыцы кады Паддзахады ӕрцыды стыр бонмӕ.

«Чырысти райгас!» Уыцы цинӕфтауӕг ныхӕстӕй абон кӕрӕдзийӕн салам дӕтгӕйӕ, мах нӕ зӕрдӕйы ӕнкъарӕм Куадзӕны рухс ӕмӕ нӕ рох кӕнӕм нӕ зӕххон царды арф мидис ӕмӕ бӕрзонд нысан. Табуйыӕнкъарӕнтӕ нын фидар кӕнынц не ’ууӕнк ӕмӕ нӕ ныфс, разӕнгард нӕ кӕнынц Хуыцауы фӕдзӕхстытӕм гӕсгӕ цӕрынмӕ ӕмӕ нӕ бинонтӕн, нӕ адӕмӕн, нӕ Фыдыбӕстӕн удуӕлдай лӕггад кӕнынмӕ.

Ногӕй ӕмӕ уын ногӕй арфӕ кӕнын Рухс Куадзӕны бӕрӕгбоны фӕдыл! Хуыцау уын балӕвар кӕнӕд Йе стыр ӕххуыс уӕ хорз хъуыддӕгты, раттӕд уын ӕнӕниздзинад, сабырдзинад ӕмӕ фӕрныг цард. Мӕрдтӕй Растӕг Чырыстийы арфӕ уӕд махӕй алкӕй дӕр, нӕ хӕдзӕртты ӕмӕ бинонты, бӕстӕты ӕмӕ адӕмты!

Ӕцӕгӕй райгас и Чырысти!