Цæгат Ирыстоны пысылмæттæ сарæзтой “Сабырдзинады æмæ хæлардзинады эстафетæ”
10.03.2011
15:07

Цалдæр боны размæ Цæгат Ирыстоны пысылмæтты управленийы минæвæрттæ «Сабырдзинады æмæ хæлардзинады эстафетæйы» абалц кодтой Дагестанмæ. Делегацийы уыд 50 адæймаджы. Се «хсæн парламенты сæрдары фыццаг хæдивæг Къесаты Станислав, æддагон æмæ æхсæнадон бастдзинæдты министры хæдивæг Хадыхъаты Сослан, фæсивæдон парламенты уæнгтæ, спортсментæ. Делегацийы сæргъы та уыд Цæгат Ирыстоны муфтийы хæстæ æххæстгæнæг Гуæцæлты Хадзымурат.
Махачкалайы фембæлдысты Дагестаны муфтий Ахмад-хаджи Абдуллаевимæ, æддагон æмæ æхсæнадон министр Бекмурза Бекмурзаевимæ, Дагестаны теологи æмæ дунеон ахастдзинæдты институты ректор Максуд Садиковимæ. Архайдтой ма дзы студенттæ дæр.
Фембæлды рæстæг равдыстой документалон киноныв Ирыстоны æмæ Дагестаны хæлар ахастдзинæдты тыххæй. Фæстæдæр та уазджытæ бабæрæг кодтой Махачкалайы рæсугъддæр бынæттæ. Фидæны ахæм фембæлдтытæ араздзысты арæхдæр.ГТРК «Алания»