Чысыл æмæ хи куыстуæтты райрæзт хорзæрдæм зыны Ирыстоны экономикæйыл
16.11.2010
16:46

Иуæй æфтиаг хæссынц бюджетмæ. Иннæмæй та сæ фæрцы алыг кæнæн ис æгуыст адæмы фарста. Уæлдайдæр та хъæуты. Кировы районы дæр ис чысыл куыстуæттæ, сæ абоны архайдыл нæ дардæры æрмæг. Ахæм ныхас зæгъдзæн йæ куыст чи уарзы, æрмæстдæр ахæм адæймаг. Кочорты Валерий ацы куыстуаты ныр цалдæр азы ис – æмæ йæ зæрдæмæ кæй цæуы, уый бæрæг у.
Уæвгæ, иннæтæн дæр афтæ. Коллектив стыр нæу — 9 адæймаджы. Куыд зæгъынц, афтæмæй хорз у ахæм чысыл куыстуæттæ фылдæр кæй кæнынц, уый.
Кæд экономикон кризис фæци, уæддæр æгуыст адæмы фарста у ахсджиаг. Уæлдайдæр та хъæуты. Егъау куыстуæттæ дзы нæй. Чысыл байгом кæнынæн та, æмæ райдайын кусын – æнцон хъуыддаг нæу. Кировы районы рудзгуытæ кæнæн куыстуат байгом кæнын æнцон нæ уыд.
Кусæнгæрзтæ та аслам не сты. Уæдæ фыццаг продукци рауадзынæн æмæ бацархайын цæмæй йын адæм йæ хæрзхъæддзинад базоной – уымæн хъæуы рæстæг дæр æмæ фæрæзтæ дæр. Сæйрагдæр фарстатæй та иу у кусджыты хорз специалисттыл сахуыр кæнын.
Хи чысыл куыстуæтты райрæзтыл цæуы сæрмагонд куыст. Нæ республикæйы хицауад, куыстдæттыны департамент æмæ æндæр ведомствотæ дæр архайынц цæмæй фылдæр кæной. Рæстæг куыд æвдисы, афтæмæй сæ егъау куыстуæттимæ абаргæйæ, байгом кæнынæн хъæуы къаддæр фæрæзтæ. Фæлæ хæссынц æфтиаг бюджетмæ.
Фæлæ сæйрагдæр та районы æмæ хъæуты сæ фæрцы ис алыг кæнын æгуыст адæмы фарста.ГТРК «Алания»