15-й Регион. Информационный портал РСО-Алания
Сейчас во Владикавказе
13°
(Облачно)
82 %
1.31 м/с
Дарддæр цæуы æфсадмæ сидыны кампани
16.11.2010
17:20

Горæтгæрон районæй хъуамæ æрвыст æрцæуа 3 сæдæ лæппуйы. Бирæтæн дзы дæнцæгæн хæссынц се мзæххонты. Æфсады ирон æгъдау æмæ фарн чи хæссы, ахæмты. Сæ иу, Октябрыхъæуы 2-æм скъолайы раздæры ахуырдзау Толасты Тимур.
Толасты Тимур йæ мад Есиаты Эльмæйæн у иунæг фырт. Мадæн зын куыннæ уыдаид, фæлæ фсадмæ сидыны рæстæг йæ фырты фæндонæн дыууæ нæ загъта.
Есиаты Эльмæ — Тимуры мад, 2-æм скъолайы директоры хæдивæг: «Куыддæр паддзахадон фæлварæнтæ радта, афтæ сдзырдтой телефонæй æмæ йæ диплом дæр нæма райста, афтæмæй ныццыди военкоматмæ æмæ йæ тагъд-тагъд ацæттæ кодтой æмæ зæрдæрухсæй ацыд.
Тимуры хъæлæс телефонæй: «Уалдзæджы мæм комиссариатæй хуынды гæххæтт æрбацыди æмæ уæд дыууæйыл нæ ахъуыды кодтон, загътон цæуын хъæуы, ме фсæддон хæс бафидон. Мæ службæйæ афæдзы рдæг рацыди, кæронмæ фæхæццæ кæны».
Бататы Виолеттæ, 2-æм скъолайы хъомыладон хайады сæргълæууæг: «Абон мæнæ мах цы хорздзинæдтæ райстам, æфсæддон хайадæй, уый æвдисæн у мад йæ иунæг лæппуйы куыд схъомыл кодта, уый».
Есиаты Эльмæ,Тимуры мад, 2-æм скъолайы директоры хæдивæг радзырдта: «Тынг бирæ лæппутæ ис не скъолайы армимæ чи ацыдис. «Цæуын, нæ цæуын», чи кодта ахæмтæ нæ, фæлæ æцæг кæй фæндыд æфсады йæ лæгдзинад бавзарын. Скъолайы дæр бирæ кусынц семæ, цæмæй æргом цæсгом уой æмæ æргом фæндæгтæ агурой царды. Армидæр ахæм фæндаг у».
Октябрыхъæуы 2-æм скъолайы директор Датиты Ирмæ у 3 фырты мад. Се ппæты дæр раст фæндагыл сывæрдта.
Датиты Ирмæ: «Махмæ дæр ис хæдзары лæппутæ æмæ сæ иу дæр афтæ нæ загъта, мæнæ фсадæй мæхи фæиуварс кæнон. Гæды ныхас нæ зæгъдзынæн, гæнæнтæ ис, амæлттæ ис, цæмæй сæ ныууадзой æмæ дзы альтернативон службæ дæр ис. Афтæ рауади æмæ мæ лæппутæй астæуыккаг абон ис æфсады. Сæрмагондæй 5-æм курсæй рацыди. Мæнæ цауын мæ хæс бафидон, стод уæд куы рцæуон, уæд мæ ахуыр фæуыдзынæн. Абон дзы тынг райгонд сты. Йæ службæ цæуы дзæбæх. Йæ командирты цур Ирыстон цæсгом нæ фæчизи кæндзæн. Хистæрмæ дæр пъавесткæ уыд, фæлæ йæхæдæг ныццыдис æмæ комиссарæн загъта: «ныр уал мæ уадзут, фæлæ уалдзæджы ме фсымæримæ ме æфсæддон хæс бафиддзынæн».
Горæтгæрон районы цæры 112 мин адæймаджы. Уыдонæй 2400 сты 18-азæй 27 азы онг кæуыл цæуы. Фæлæ хъыгагæн абон сеппæт æфсадмæ барвæндонæй нæ цæуынц. Цæмæй 300 лæппуйы арвитой уый тыххæй районы комиссариатмя æрбахонынц 1000 лæппуйы. Ацы хъуыддаг зынтæй æххæстгонд цæуы
Горæтгæрон районы æфсæддон комиссариаты хайады хицауы хæстæ æххæстгæнæг.
«Махмæ афтæ дæр вæййы æмæ милицæйы æххуысæй дæр сæ æрбакæнæм. Хъæуы администрации дæр нын тынг æххуыс кæны. Кæртыты фæзилæм боныгон, æхсæвыгон. Æмæ сæ афтæмæй куыддæртæ— куыддæртæ арвитæм. Абоны бон æрвыст æрцыд 176, æрвитæм ма дарддæр, хъуамæ арвитæм 300»
Нæ лæппутæ æфсады сæхи кыд дарынц, уый тыххæй æфсæддон комисариаттæм æмæ сæ мадæлтæм ссæуынц писмотæ. Хъыгагæн сеппæт арфæйы писмотæ нæ вæйынц. Зæгъæм мæнæ ацы писмо. «Ваш призывник», йæ ном йын нæ зæгъдзыстæм, «уклонился от исполнения обязанностей военной службы путем прямого отказа заступать в суточный наряд, не выполняет приказы командиров отданные в установленном порядке, игнорирует указание командиров которых должен беспрекословно слушать и выполнять все приказания».
Горæтгæрон районы æфсæддон комиссариаты сæргълæууæг Мæргъиты Сослан нын куыд загъта, афтæмæй ахæм писмотæ афæдзмæ райсынц 2-3. Æмæ уый у æвзæр бæрæггæнæн».ГТРК «Алания»