15-й Регион. Информационный портал РСО-Алания
Сейчас во Владикавказе
16°
(Облачно)
29 %
2 м/с
$ — 92.2628 руб.
€ — 99.7057 руб.
Доны станцæйы цæттæдзинад найæн сезонмæ
06.05.2012
10:05

Июны райдайдзæн найæн сезон. Фæлæ ныридæгæн æнæнхъæлæджы цауты министрады кусджытæ бæлвырд кæнынц доны объектты уавæр.

Абон специалисттæ бабæрæг кодтой Доны станцæ. Ам цæуынц цæттæгæнæн куыстытæ. Ныртæккæ цады дон нæй, сыгъдæг æй кæнынц. Станцæйы нын куыд зæгътой, афтæмæй æппæт куыстытæ дæр афойнадыл конд æрцæудзысты. Ацы аз фæфылдæр уыдзæн ирвæзынгæнджыты нымæц дæр. Æдæппæтæй республикæйы уыдзæн 6 пляжы. Æнæнхъæлæджы цауты министрады кусджыты тыхсын кæны уый, æмæ арæх адæм сæхи кæй фæнайынц нозтджынæй, стæй кæм не мбæлы, уыцы бынæтты, зæгъæм, цæугæдæтты. Фарон уый аххосæй аныгъуылд 18 адæймаджы.

Баскаты Бэлæ, Доны станцæйы хицау: «Ныртæккæ цæттæ кæнæм Доны станцæ 1-æм июньмæ. Сахуырстам бандæттæ, бирæ куыстытæ бакодтам. Сидæм горæты цæрджытæм, цæмæй нæм 1-æм июны æрбацæуой, сæхи хорз дарой, бырон ма кæной, цæмæй сыгъдæг уа Доны станцæ».ГТРК «Алания»