15-й Регион. Информационный портал РСО-Алания
Сейчас во Владикавказе
(Облачно)
82 %
0.99 м/с
Дзæуджыхъæуы 1-аг скъолайы бындурыл архайы боксы клуб
01.03.2011
16:28

2011 аз Дзæуджыхъæуы нымад æрцыд спорты азыл. Уымæ гæсгæ ацы къабазмæ уыдзæн лæмбынæг цæстдард. Ныридæгæн нæм архайынц спорты алы хуызты секцитæ. Дзæуджыхъæуы 1-аг скъолайы бындурыл къорд азы кусы боксерты клуб.
Афтæ фæцæуынц тренировкæтæ Дзæуджыхъæуы 1-æм скъолайы боксерты клубы. Архайы бирæ азты. Ам цæттæ кæнынц фидæны чемпионты. Æрыгон боксертимæ кусынц фæлтæрдджын тренертæ. Амонынц сын спорты ацы хуызы сусæгдзинæдтæ.
Ардæм цæуынц алы кары сывæллæттæ. Дих кæнынц 3 къордыл. Алкæцыйы дæр 80-90 адæймаджы.
Тедеты Аслан: «Цыдтæн хъæбысæй хæцынмæ, спорты иннæ хуызтæм, фæлæ мæ зæрдæмæ нæ цыдысты. 5 азы размæ ардæм куы æрбацыдтæн, уæд дзы мæ зæрдæмæ фæцыд. Нæ тренертæ дæр дзæбæх сты æмæ уæд райдыдтон цæуын. 5 азы цæуын боксмæ. Ам хъуыды кæнын хъæуы. Махмæ иууылдæр хъæбысæй хæцынмæ фæцæуынц, мæнæн та ацы спорт мæ зæрдæмæ цæуы».
Елбачиты Марат боксмæ цæуы 3 азы. Уыцы рæстæгмæ йын чысыл нæ бантыст. Йæ тренер Дзæгъиаты Юрий йыл стыр ныфсытæ дары. Мараты уарзон боксертæ сты Рой Джонс æмæ Майк Тайсон. Фæнды йæ, фидæны уыдоны бæрзæндтæм схизын.
Елбачиты Марат, спорты мастертæм кандидат боксæй: «Дæн спорты мастертæм кандидат. Цалдæр хатты рамбылдтон нæ республикæйы чемпионатты æмæ ма бирæ цыдæртæ рамбылдтон. 7-æм мартъийы Мæхъæлы республикæйы уыдзæн Цæгат Кавказы федералон зылды чемпионат нæлгоймæгты хсæн. Уырдæм нæхи цæттæ кæнæм».
Ацы боксертæ æдзух фæархайынц республикон, регионалон æмæ æхсæнадæмон ерысты. Арæх свæййынц уæлахиздзаутæ. Ныр дæр та зæрдæ дарæн ис, Цæгат Кавказы федералон зылды чемпионаты хорз бæрæггæнæнтæ кæй равдисдзысты, ууыл.
Ацы æрыгон лæппутæ боксы кæнынц фыццаг къахдзæфтæ. Фæлæ сæм ис тырнындзинад. Уымæ гæсгæ дызæрдыккаг нæу, сæ къухы стыр æнтыстдзинæдтæ кæй бафтдзæн, уый.ГТРК «Алания»