15-й Регион. Информационный портал РСО-Алания
Сейчас во Владикавказе
(Облачно)
65 %
2 м/с
Дзæуджыхъæуы ацыдысты республикон ерыстæ туризмæй
09.03.2011
15:58

Дзæуджыхъæуы фæскомцæдисон парчы ацыдысты республикон ерыстæ туризмæй скъоладзауты хсæн. Архайдта дзы 25 командæйы – хистæркъласонтæ æмæ 13 азы кæуыл нæма сыххæст, уыдон.
Хъайттаты Зæринæ, Алагиры 5-æм скъолайы ахуырдзау: «Æрмæст æз нæ, фæлæ æнæхъæн командæйæ дæр тынг цæттæ кодтам нæхи ацы æрыстæм. Æнхъæлмæ кæсæм»
Ацы ерысты лæппуты æмæ чызджыты хæс уыд, бынаты картæ æмæ компæцтæй пайдагæнгæйæ ссарын цалдæр нысангонд посты, уымæй равдисын куыд хорз арæхсынц æнæзонгæ бынаты раст фæндаг ссарын.
Ноджыма æрыгон туристон командæтæ архайдтой бæстæзонадон викторинæты. Ерыстæ арæзт æрцыдысты туризмы фæсивæдон центры хъæппæрисæй. Йæ æвæрæн бахаста фæсивæдон хъуыддæгты физкультурæ æмæ спорты министрад. Сывæллæтты арæхстдзинадмæ бакаст ольпинизмы федерацийы сæрдар Хæмыцаты Хъазыбег.
Ацы ерыстæ арæст уыдысты хæсты ветеран, ахуырады зынгонд куысæг Бырнацты Тотырбегы ном. Ерыстæм хуынд æрцыд йæ фырт Алан, 50-йæм скъолайы директор, уый раарфæ кодта фæсивæдон туризмы ценры кусджытæн, ахæм аккаг аргъ кæй кæнынц хистæртæн. Командæйы уæнгтæн йæ зæрдæ загъта хуыздæрты хсæн æрмæст хуыздæртæ куыд фæуæлахиз уой.
Ерысты кæронбæттæн хатдзæгтæм гæсгæ дыууæ кубокы дæр, кæстæр æмæ хистæр командæты хсæн рамбылдтой Зилгæйы скъолайы ахуырдзаутæ.ГТРК «Алания»