Хæххон аграрон университеты цæуы æппæтуæрæсеон турнир мини-футболæй. Архайынц дзы уæлдæр ахуыргæнæндæтты студенттæ æмæ астæуккаг ахуыргæнæндæтты къордтæ. Турнир фæпарахатдæр кæныны уынаффæ рахаста æппæтуæрæсеон ассоциаци мини-футболæй. Скъола каст чи фæцис æмæ уæлдæр ахургæнæндæттæм чи нæ бацыд, уыдонæн рæстæгмæ сæ бон нæ уыди архайын ахæм турнирты, фæлæ сын ныр уыцы фадат ис.
Дзæуджыхъæуы чызджыты клуб мини-футболæй уыд Уæрæсейы скъолаты хсæн ерысты уæлахиздзау, ныр та сæ размæ сæвæрдтой уæлдæр ахуыргæнæндæтты турниры сызгъæрин майдан рамбулыны хæс. Ерысты ма архайы Хæххон аграрон университеты командæ дæр, æмæ йæхи цæттæ кæны дунеон чемпионатмæ футзалæй. Уый райдайдзæн къуырийæ фæстæ Колумбийы. Не мзæххонтæ хъаздзысты Хуссар Ирыстоны иугонд командæйы номæй.ГТРК «Алания»