Дзæуджыхъæуы иу мæймæ сагъд æрцæудзæн 2 мин бæласы
29.10.2010
16:30

Дзæуджыхъæуы администраци цы акци расидт «Дæ бæлас ныссадз», зæгъгæ, уымæн абон райдыдта йæ дыккаг къæпхæн. Горæты сæргълæууæджы фæндонмæ гæсгæ хаст æрцыд уынаффæ, Дзæуджыхъæумæ бацæуæн саив кæныны фæдыл.
Абоны бонмæ бирæ куыстытæ бакодтой. Мæскуыйаг уынджы онг уал ныссагътой дыууæ сæдæмæ ввахс нæзы, æмæ заз бæлæстæ, 20 мины та — къутæртæ æмæ декоративон зайæгойтæ. Се ппæт дæр фæхæцыдысты, фæлæ карзæй лæууы æндæр фарста. Горæты цæрджытæ сыл кæй нæ ауæрдынц, уый. Иутæ сæ сæтгæ кæнынц, иннæтæ та давгæ. Уæдæ Ногиры рдыгæй хæдзарон фос дзæгъæл кæй зилы, уый дæр фæбæрæг вæййы нæ сæйраг сахары аивдзинадыл.
Акцийы дыккаг къæпхæн цæудзæн ноябры кæронмæ. Нысанмæ гæсгæ ма сагъд æрцæудзæн 2 мин бæласы.ГТРК «Алания»