Дзæуджыхъæуы сывæллæты эстетикон хъомылады центры арæзт æрцыд семинар
Ныхас дзы цыд хи куыд бахъахъхъæнæн ис алыхуызон уавæрты бахаугæйæ, æмæ искæй къухæй æмæ ныхасæй фыдбылыз куыд нæ æрцæуа. Семинар арæзт æрцыд горæты Цæгат-Ныгуылæн зылды префектурæйы хъæппæрисæй. Хуынд æм æрцыдысты Дзæуджыхъæуы скъолаты æмæ рæвдауæндæтты минæвæрттæ. Семæ ныхас кодта Цокты Феликс – республикæйы слестгæнæн комитеты раздæры кусæг.
Цокты Феликс æрбацæуджытæн радзырдта куыд раргом кæнынц экстремизмимæ фыдракæндтæ. Æнæзакъон иугондтæ æрыгæтты сæхиуыл куыд сбæттынц, цавæр психологон мадзæлттæй пайда кæнынц.
Адæм хъуамæ зоной ахæм фыдракæндтæ цы фæстиуджытæ расайынц æмæ куыд æфхæрд цæуынц.ГТРК «Алания»