Дзæуджыхъæуы Гæздæнты Гайтойы номыл фæсивæдон библиотекæйы ацыд Дзантиаты Анатолийы чиныджы презентаци.

Арæзт æрцыд Цæгат Ирыстоны аивадон сгуыхт архайæджы 70-ай азы кадæн. Зындгонд аивадиртасæг, фыссæг, тæлмацгæнæг, æхсæнадон архайæг ацы чиныгмæ бахаста йæ хуыздæр уацмыстæ. Æвзæрст чиныджы фондзсæдæ фарсы дзурынц нæ адæмон нывгæнджыты, скульпторты, фысджыты æмæ æндæр аивадон архайджыты тыххæй. Анатолий куыста Мæскуыйы журналты дæр. Йæ фыццаг радзырдтæ мыхуыры уым рацыдысты. Чиныджы авторæн раарфæ кæнынмæ æрбацыдысты республикæйы æхсæнадон архайджытæ, фысджытæ, йæ хæстæджытæ. Дзæуджыхъæуы администрацийы сæргълæууæг Дзантиаты Сергей куыд загъта, афтæмæй Анатолийы чиныг фæзындзæн горæты æппæт библиотекæты дæр.ГТРК «Алания»