15-й Регион. Информационный портал РСО-Алания
Сейчас во Владикавказе
15°
(Облачно)
93 %
1 м/с
Елхоты ацыд брэйн-ринг æвзæрстыты темæйыл
21.10.2010
18:21

Бæрæггонд куыд у, афтæмæй æвзæрстыты рæстæг фæсивæд арæх активон нæ вæййынц. Афтæмæй та иуæй Конституцимæ гæсгæ алчидæр хъуамæ йæ граждайнаг хæс æххæст кæна. Иннæмæй та — æмбара йæхи фидæн, республикæ æмæ паддзахады сомбон нæхицæй аразгæ кæй у.
Нæкуысаты Фатимæ, территориалон æвзарæн къамисы секретарь: «Æрыгон фæсивæд тынг æвзæр цæуынц æвзæрстытæм. Æмæ абон нæ, фæлæ æнæхъæн афæдз дæр мах аразæм мадзæлттæ уый фæдыл, цæмæй рæзгæ фæсивæд бацæттæ кæнæм æвзæрстытæм. Инне аз дæр, стæй уый фæстæ азты дæр уыдзысты æвзæрстытæ æмæ нæ фæнды, стæй уый нæ хæс у, цæмæй рагацау бацæттæ кæнæм, чи нын æххуыс кæндзæн ахæм фæсивæд. Хъæлæс дæр куыд кæной, æмархайд дæр куыд кæной махимæ. Хъыгагæн абон уыцы хъуыддаг зæрдæйы фæндонмæ гæсгæ нæу. Æмæммах ахæм мадлзæлттæ уымйн аразæм, цæмæй фæсивæд уа æмбаргæдæр».
Кировы районы территориалон æвзарæн къамисы уæнгтæ аразынц алыхуызон мадзæлттæ рæзгæ фæлтæримæ. Сæ иу ацыд Елхоты. Скъоладзаутæ æмæ профессионалон училищæйы ахуыргæнинæгтæ æвдыстой сæ зонындзинæдтæ куыд ахуырадон предметтæй, афтæ закъон æмæ сæ бартæ зонынæй.
Уымæй уæлдай хъазты размæ алы командæ йæ раныхасы жюрийы уæнгты базонгæ кодта сæ хъуыдытимæ ацы фарстайы фæдыл.
Фæстæдæр брейн-рингы фæлвæрдтой сæ тыхтæ æмæ зонындзинæдтæ. Кæд скъоладзаутыл æстдæсгай азтæ нæма цæуы, уæддæр сæ фæнды æвзæрстыты архайын, сæ бартæй дæр æххæстæй пайда кæнын, сæ хъуыдытæ зæгъын. Бирæтæ сæ æнхъæлмæ кæсынц радон æвзæрстытæм. Уыдон та цæудзысты цалдæр азы кæрæдзийы фæдыл: 2011-æм азы Паддзахадон Думæмæ, 2012-æмы æвзардзыстæм Уæрæсейы президенты, республикæйы парламентмæ æмæ районты депутатты, 2013-æм азы та æвзæрстыстæ цæудзысты бынæттон хиуынаффæйады оргæнтæм. Уыдонмæ хъæуы рагацау цæттæ кæнын.
Датиты Зæринæ, Елхоты 2-æм скъолаы ахуырдзау: «Мæныл 18 азы нæма цæуы, фæлæ мæ тынг фæнды тагъддæр куы уаид, уый. Уымæн æмæ мæн дæр фæнды мæ хъæлæс радтын, равзарын депутаты дæр, цы паддзахады цæрдзыстæм, цавæр диныл хъуамæ хæст уон. Уый мæхи фæнды равзарын. Мæ цæстæнгас равдисын. Стæй мæм хорз нæ кæсы уый кæй нæ цæуынц æрыгæттæ æвзæрстытæм. Хъуамæ алы адæймаг дæр æвзара æмæ архайа йæ районы, республикæйы æмæ паддзахады сæраппонд. Цæмæй нын уой хуыздæр уавæртæ цæрынæн».ГТРК «Алания»