15-й Регион. Информационный портал РСО-Алания
Сейчас во Владикавказе
(Дождь)
93 %
4 м/с
“Хæхты сывæллæттæн” уыдзæн ног бæстыхай
06.04.2011
16:55

Нæ республикæйы сфæлдыстадон коллективтæ дзæвгар ис. Бирæтæн сæ ном айхъуыст канд нæ бæстæйы нæ, фæлæ ма фæсарæнты дæр. Сæ иу у ансамбль «Хæхты сывæллæттæ». Фæлæ ныр цалдæр азы сæ бон нæу, цы бæстыхай аразынц, уый кæронмæ фæуын. Дзæуджыхъæуы сæйраг уынгтæй иуы æрдæгарæзтæй лæууы. Аххосаг у хуымæтæг, фæлæ фылдæр хатт зын сæххæст кæнæн. Фаг фæрæзтæ сæм нæй. Уæвгæ, абоны уавæрты культурæмæ арæх фаг æргом здæхт нæ цæуы. Бирæ коллективтæн сæ бон нæу гастрольты ацæуын, сæхи базонын кæнын иннæ бæстæтæн.
Сывæллæтты ансамбль «Хæхты сывæллæттæ» сæ арæхстдзинадæй фæндаг ссардтой алкæмæ дæр. Ирон кафты аивдзинад æмæ рæсугъддзинадимæ базонгæ кодтой фæсарæнты цæрджыты. Нæ бæстæйы культурæ парахатдæр кæнынц æгас дунейыл. Æмæ сын æхсызгон у, сæ риссаг фарстатæм сын зæрдæхæлар адæм се «ргом кæй раздæхтой, уый. Се «ххуысы фæрцы ансамблы ног бæстыхайы арæзтад цæуы тагъддæр.
Козаты Станислав, ансамбль «Хæхты сывæллæттæ”-йы аивадон разамонæг: «Фыццаг къахдзæфтæ кæнæм, уæхæдæгдæр æй уынут. Æмæ мæ фæнды бузныг зæгъын ме мкъласонтæн. Мæнмæ гæсгæ, адæймаг хъуамæ кæм цæра,уым йæ алыварс чи ис уыдонæн æххуыс кæна. Уæдæ афтæ зæгъæн нæй, æмæ хорз адæм гыццыл сты. Нæ фарсмæ дæр дзы разынд. Æрбалæууыдысты нæ фарсмæ. Æз уый бæрц дæр не скодтаин, мæ фарсмæ куы нæ уыдаиккой, уæд. Адæмы хæттытæ зæххы къорийы бирæ цæры. Æмæ цæмæй хицæн кæнынц ирæттæ иннæтæй. Фыццаджыдæр нæ культурæйæ. Æмæ йæ хъуамæ парахат кæнæм. Мах дæр уыцы куыст кæнæм кæстæртимæ».ГТРК «Алания»