15-й Регион. Информационный портал РСО-Алания
Сейчас во Владикавказе
(Снег)
93 %
2 м/с
$ — 00,0000 руб.
€ — 00,0000 руб.
Ирыстоны ацыд фыццаг республикон ирон зарæджы бæрæгбон
09.07.2011
23:59
Ирыстоны ацыд фыццаг республикон ирон зарæджы бæрæгбон

Майрæмæдаджы ацыд фыццаг республикон ирон зарæджы бæрæгбон. Арæзт æрцыд æрдзы хъæбысы стыр фæзы. Бæрæгбонмæ æрбацыдысты æртæ мин адæймаджы бæрц. Æхсызгон уыд, сæ фылдæр хай æрыгон фæсивæд кæй уыдысты, уый.

Арæзт æрцыд республикæйы сæрдар Мамсыраты Таймуразы хъæппæрисæй. «Абон бæрæгбонмæ æрбацыдысты ахæм адæм, кæцытæ ирон зарæгыл стырзæрдæ не`сты, — агъта республикæйы с æргъл æуу æг Мамсыраты Таймураз.— Кæд нæ зæрд æмæ фæцæуа, уæд бæрæгбон к æндзыстæм æрвылаз». Республикæйы сæрдар раарфæ кодта адæмæн æмæ йæ ныхасы кæронбæттæны азарыд Хетæгкаты Къостайы ныхæстыл фыст зарæг «Мæ Иры фæсивæд».

Бæрæгбоны концерты архайдтой республикæйы ирон адæмон зарджыт æ чи кæны, ахæм къордтæ. Эстрадон зарæггæнджытæ та балæвар кодтой адæмæн уарзон чи сси, ахæм нырыккон зарджытæ. Уыдонæй уæлдай ма дзы фехъусæн уыд Хуссар Ирыстоны, Кæсæг-Балхъар æмæ Хъæресейы сфæлдыстадон къордты аивад ирон æвзагыл.

Уæлæмхасæн мадзæлтты хуызы ма бæрæгбоны арæзт æрцыдысты чингуыты æмæ сувенирты равдыстыт æ. «Ирон зарæг у нæ адæмыхатт бахъахъæныны цæджындзтæй иу, -загъта «Стыр ныхасы» сæрдар Басаты Барис.— Абон адæм афтæ зæрдиагæй кæй æрбамбæлдысты ардæм уый ууыл дзурæг у, æмæ ахæм æхсызгон мадзæлтт æм рагæй æнхъæлмæ кастысты». Адæм бæрæгбонæй разыйæ баззадысты, ууыл та бацархайдтой оргкомитеты уæнгтæ – культурæ æмæ дзыллон коммуникациты министрад. Уыдон сарæзтой æппæт уавæртæ дæр, цæмæй бæрæгбон рæстмæ ацæуа. Раст ма боныхъæд дæр нæ фехæлдта ирон адæмы циндзинад. Кæронбæттæны та бæрæгбоны стыр фæзы концерты архайджыт æ æмæ уазджытæ сарæзтой нæртон симд.

15-Цæгæраты Ленæ

 

15-Й РЕГИОН