15-й Регион. Информационный портал РСО-Алания
Сейчас во Владикавказе
17°
(Облачно)
82 %
1 м/с
Кировы районы кæронмæ фæхæццæ кæнынц хæдзæртты бындурон цалцæггæнæн куыстытæ
11.11.2010
16:24

«Хъармгæнæн сезон кæд райдыдта, уæддæр афтæ зæгъæн нæй æмæ бирæуæладзыгон хæдзæрттæ сеппæт дæр зымæгмæ сты цæттæ», — зæгъы йæ радон фембæлды цалцæггæнæн бригадты разамонджытимæ Кировы районы сæргълæууæг. «Баззад ма чысыл цыдæр аипдзинæдтæ аиуварс кæнын, æмæ хæстæгдæр бонты хæдзæрттыл скæндзыстæм сæ цæттæдзинады акттæ».
Кировы районы уазæлттæм сæхи рагагъоммæ райдыдтой цæттæ кæнын. Фæлæ сæм фаг фæрæзтæ кæй нæ уыд, уый аххосæй куыстытæ гыццыл къуылымпы кодтой. Æнхъæлмæ кастысты цæрæн-коммуналон хæдзарады реформæйы фæлгæты федералон æххуысмæ. Цы сын æмбæлыди, уыцы куыст æмæ æндæр хъæугæ хъуыддæгтæ скодтой.
Æдæппæтæй Елхоты бирæуæладзыгон хæдзæрттæ сты 20-æй фылдæр. Æмæ сыл кусын райдыдтой 6 организацийы. Сæ архайдмæ лæмбынæг цæст дары бынæттон администраци.
Батиаты Хъазыбег, Кировы районы администрацийы сæргълæууæг: «Ам нæм районы уыцыхæдзæртты цæацæгыл кусы 6 организацийы. Иууылдæр сты бынæттон. Сæ куыст сын зонæм. Уый размй дæр нæм куыстой. Адæмы зæрдæмæ цæуы сæ архайд, разы сæ сты, хъаст сæ нæ кæнынц. Ныр дæр кæм бакуыстой, уыцы хæдзæрттæ абон сæ хуыз скалдтой. Иннæтæй бæрæг дарынц».
Хæдзæрттыл цæуы дæсгай азтæ. Фæлæ бындурон цалцæггонд кæд уыдысты, уый бирæтæй ферох. Иуæй цæрджыты къух нæ амыдта ахæм куыстытæ кæнын. Иннæмæй та районмæ дæр нæ уыд фæрæзтæ.
Батиаты Хъазыбег — Кировы районы администрацийы сæргълæууæг: « Кæдæй-уæдæй паддзахад хцайæ æххуыс кæны. Уый фæстæ, мæнмæ афтæ кæсы, æмæ нал уыдзæн, æмæ фæрæзтæ хъуамæ куыд æмбæлы, афтæ схардз кæнæм. Ома, хæдзæрттæм хъæуы бæстон базилын, цæмæй ма уый фæстæ бирæ азты рæсугъд, аив æмæ зæрдæхсаинаг куыд нæ уой. Уый у нæ сæйраг хæс. Мах æппæты фыццаг цалцæггæнæн бригадæтæй домæм пъланыл, афоныл æмæ рæстмæ сæ куыстытæ куыд скæной. Уымæн æмæ кусынц адæмæн, кæнынц хæдзæрттæ æмæ хъуамæ конд уой куыд æмбæлы афтæ».
Ныр Елхоты уынгтыл цæугæйæ, æнæбафиппайгæ нæй, хæдзæрттæ кæй фæфидыдтой. Ногахуырст æмæ чъырæй цагъд, пластикон рудзгуытæ, дуæрттæ, къæйдуртæй конд бахизæнтæ, хæдзæртты сæртæ нырыккондæр арæзтадон æрмæджытæй æмбæрзт, аивгонд кæртытæ – цæст рæвдауынц. Мидæгæй дæр подъездтæ сыгъдæг, коммуникацитæ ивд.ГТРК «Алания»