15-й Регион. Информационный портал РСО-Алания
Сейчас во Владикавказе
-2°
(Ясно)
93 %
3 м/с
$ — 00,0000 руб.
€ — 00,0000 руб.
Мисын фæзынд Цæгат Ирыстоны, зæгъынц специалисте
19.03.2013
14:11

Бирæ азты ахуыргæндтæ кæнынц иртасæн куыст – кæм æмæ куыд фæзындысты мисынгæнæн къæпытæ. Рагон таурæгътæм гæсгæ, ацы уæларвон хорзæхæй фæхайджын сты Ирыстоны цæрджытæ. Бирæ азты мисын кæныны сусæгдзинад никæмæн хъæр кодтой.

Ныр дæр рæдаукъух æфсинтæ уазджыты арæх сбуц кæнынц хæрзад мисынæй. Кæнын æй райдыдтой иуæй-иу куыстуæтты дæр. Цы технологитæм гæсгæ æмæ йæ цавæр домæнтæ æххæстгæнгæйæ аразынц, уый тыххæй бæстондæр радзурдзæн нæ уацхæссæг.

Бирæ ахуыргæндты хъуыдымæ гæсгæ мисын равзæрд ирон адæммæ. Æмæ куыд кæнгæ у, уый æфсинтæ нæ хъæр кæнынц, фæлæ йæ фæлтæрæй-фæлтæрмæ амонынц сæ кæстæртæн. Æбиты Валерийæн къæпытæ æнæзонгæ не сты. Æрмæстдæр уыдонæй рауайы æцæг, хæрзад æмæ адджын мисын.

100 азæй фылдæр æфсинтæ мисын кæнынц хъуылæг цæгъдгæйæ. Технологимæ гæсгæ 10-12 сахатмæ æхсырæй рауайы, се ппæтæн уарзон хæринаг. Къæпытæ кæцæй æмæ куыд равзæрдысты, уый ничи зоны. Бирæ хъæуты сæ ныры онг нымайынц Хуыцауы хорзæхыл. Æмæ сын Хуыцауæй лæвæрд æрдзон хорзæхмæ зилынц, сыгъдæг сæ кæнынц. Раздæры азты йын уæлдай кад кодтой. Йе скæнынæн иуæй-иу хатт цы мадзæлттæй пайда кодтой, уый ныртæккæ бирæтæм цымыдисаг фæкæсдзæн.

Æппæты сæйрагдæр — сыгъдæгдзинады домæн æххæстгæнгæйæ, Цæгат Ирыстоны куыстуæттæй иуы дæр райдыдтой ирон мисын кæнын. Специалистты ныхæстæм гæсгæ, мисынгæнæн хъацæнтæ, къæпытæ, зын дарæн сты, æмæ сæ æцæг мисын рауайдзæн, æрмæстдæр сæм æмбæлгæ цæстдард куы уа, уæд. Уымæй уæлдай ма бæстыхайы хъуамæ уа бæлвырд температурæ æмæ уымæлад.

Технологитæм гæсгæ раст конд мисын адæймаджы æнæниздзинадæн тынг пайда у. Дзæбæх кæны дисбактериоз, хæринагтайæн системæйы æмæ æндæр низтæ.

Уæлæрвтæй лæвæрд хорзæх. Ахæм ном баззад мисынгæнæн къæпытæн. Рагон хъуыдымæ гæсгæ сæ нæй уæй кæнæн кæнæ æлхæнын. Ис сæ æрмæстдæр лæвар кæнын. Уæд æнæниздзинадæн сæ пайда фылдæр уыдзæн.
ГТРК «Алания»