15-й Регион. Информационный портал РСО-Алания
Сейчас во Владикавказе
17°
(Облачно)
93 %
1 м/с
Национ музæйы ацыд æрыгон нывгæнæг Челæхсаты Кристинæйы номарæн равдыст
25.10.2010
16:04

Экспозици дæр хуымæтæджы не схуыдтой «Небесный свет». Ахæм сæргонд ис Кристинæйы куыстытæй иуæн. Челæхсаты Кристинæйыл 22 азы йеддæмæ нæ цыд. Фæлæ ацы аз июны тыхджын къæвдатæ цы ламидæттæ расайдтой, уыдоны аххосæй Суаргомы аскъуыд курдиатджын чызджы цард. Æрыгон нывгæнæгмæ та куыд нæ уыд фæндтæ. Тынг æй фæндыд хи куыстыты равдыст бацæттæ кæнын.
Йе стыр бæллицмæ цыд уæндон къахдзæвтæй. Куыстуарзаг æмæ æрдз курдиат кæмæн нæ бавгъау кодта, — уыцы чызджы куыстытæ 100-йæ фылдæр сты.
Алыхуызон егъау конкурсты архайгæйæ та иу, æнæмæнг уыд хуыздæрты хсæн. Йæ педагогты æмæ фæлтæрдджын нывгæнджыты хъуыдымæ гæсгæ Кристинæмæ каст стыр фидæн. Нывгæнджыты цæдисмæ курдиат куы балæвæрдта йæ уæнг суæвыны фæдыл, уæд ын разыйы дзуапп нæ радтой æрмæстдæр уымæн, æмæ æгæр æрыгон кæй уыд.
Кæд Кристинæ не хсæн нал ис, уæддæр сæххæст йæ бæллиц – хи куыстыты равдыст. Æрбацыд æм бирæ адæм. Фæлæ, хъыгагæн, сæ цæстысыгтæ нæ урæдтой.ГТРК «Алания»