Хетæгкаты Къостайы райгуырдыл 165 азы кæй æххæст кæны, уый фæдыл «15-æм Регион» сарæзта сæрмагонд ног проект «Нæхи Къоста». Къоста аивады дæр, литературæйы дæр цы бæрзæндтæм схызт, уырдæм йæ фæстæ фæлтæрæй никæмæн ма бантыст схизын.

Адæмы цард, сæ рыст, сæ тухитæ Къоста куыд арæхстджынæй равдыста, афтæ ничи. Ивгъуыд æмæ фидæн кæрæдзийæ нæ иртасынц. Абон дæр ма йæ темæтæ сты актуалон, кæд 165 азы размæ райгуырд, уæддæр. Уымæн у Къостайы сфæлдыстад афтæ хæстæг æмæ уарзон ирон дзыллæтæн! Мах даррдæр æххæст кæнæм нæ проект. Абон нын йæ хъуыдытæ раргом кодта журнал «Ногдзау»-ы сайраг редактор Сæлбиты Дианæ.