15-й Регион. Информационный портал РСО-Алания
Сейчас во Владикавказе
-4°
(Дождь)
92 %
2 м/с
Нывгæнæг Джиоты Вадим йæхи цæттæ кæны æппæтуæрæсеон конкурсмæ
01.03.2011
16:27

Æнусæй æнусмæ нæ фыдæлтæм цы культурон традицитæ ныффидар, уыдон сты тынг цымыдисаг. Ирыстоны бирææнусон истори ма ферох кæнынмæ йе ргом раздæхта нывгæнæг Джиоты Вадим. Ацы дæсныйад бауарзта хæрз чысылæй, йæ фыды нывтæм кæсгæйæ. Ныр йæ куыстыты пайда кæны хъæд æрмæг, бронзæ æмæ керамикæйæ.
Хæрзчысылæй Джиоты Вадим зыдта, нывгæнæг кæй уыдзæн, уый. Афтæмæй аивадон училищæ каст куы фæци, уæд йæ куысты райдыдта пайда кæнын алыхуызон æрмæгæй. Ныртæккæ йæхи къухтæй аразы цымыдисаг дзаумæттæ. Абоны бонмæ уый у йæ уарзон куыст.
Джиоты Вадим, нывгæнæг: «Мæ зæрдæмæ фæцыдысты афтæ зæгъæн ис, куыд фæзæгъынц, традицион».
Нывгæнæг æнтыстджынæй кусы, рагон æнусон дзаумæттæн сæ райдиан хуыз ма фесафыныл. Цæмæй фæсивæдмæ афтæмæй бахæццæ уой.
Уымæй уæлдай ма Вадиммæ сæвзæрд хъуыды: рагон дзаумæттæ æмбырд кæнын. Йæ экспонаттæй æппæты рагондæр у рæхыс, цæуы йыл цалдæр æнусы. Ис æм цымыдисаг æфсæйнаг мигæнæнтæ дæр. Æхсызгонæй дзуры, йæ экспонаттæй кæд æмæ цы хуызы пайда кодтой, уый. Адæмæн сæ бон у æрбацæуын йæ кусæн уатмæ, æмæ базонгæ уæвын нæ рагфыдæлты истори æмæ царды уагимæ.
Цымыдисаг ма уый у, æмæ кæд ацы мигæнæнтæ нывгæнæгæн сты тынг зынаргъ, уæддæр æй фæнды, цæмæй алы æрбацæуæгдæр экспонаттæ райса йæ къухмæ, бамбара йын йæ рæстæджы хъару.
Ныр Джиоты Вадим йæхи цæттæ кæны, Италийы цы аивады конкурс уыдзæн, уымæ. Дарддæр дæр арæхстджынæй кусдзæн йæ уарзон куыстыл.ГТРК «Алания»