15-й Регион. Информационный портал РСО-Алания
Сейчас во Владикавказе
24°
(Ясно)
61 %
3 м/с
$ — 00,0000 руб.
€ — 00,0000 руб.
«Иры Стыр Ныхасы» сæрдары Ног азы æрфæтæ
31.12.2018
13:01
873

Ног Азы хорзæх уæ уæд!

Нæ зынаргъ хотæ æмæ æфсымæртæ!

Ног Аз та нæм æрхæццæ кæны, æмæ уе ‘ппæтæн дæр ног хæрзтæ æрхæссæд!

Ацы бонты фæндараст зæгъæм зæронд азæн, æмæ дзы æвзæрæй цы уыд, уый йемæ ахæссæд, йæ хорздзинæдтæ та немæ баззайæнт.

Ирон адæм фæкувынц, бæстæ сабыр куыд уа, нæ уæнгты уа æнæниздзинад, нæ бакуысты – бæркад, æмæ нын ахæм лæвар Иунæг Кадджын Стыр Хуыцау саккаг кæнæд! Ног Азы цы хорздзинæдтæм æнхъæлмæ кæсут, уыдон дзæбæхæй уæ къухы бафтæнт!

Иры Стыр Ныхас 2018 азы Хуссар Ирыстон-Паддзахад Аланийы сæйраг сахар Цхинвалы сарæзта ирон адæмы X-æм съезд, кæцы нын нæ размæ сæвæрдта ног ахсджиаг хæстæ, æмæ уыдон сæххæст кæныныл архайдзыстæм ног азы дæргъы. Уымæй уæлдай ма нæм ис бирæ хорз фæндтæ, кæцытыл нæ зæрды ис бакусын нæ куырыхон, фендджын хистæртæ æмæ нæ зæрдæргъæвд фæсивæдимæ иумæ. Хуыцау нын уыцы бастдзинад сфидар кæнынæн фаг ныфс æмæ хъæру балæвар кæнæд!

Бæрæгбоны хорзæх уæд алкæйы дæр!

Ног азы нæм Ирыстоны фылдæр куывдтæ, чындзæхсæвтæ, кæхцытæ куыд уа, ахæм хорзæх нæ уæд! Фарн æмæ амонд уæ хæдзæрттæм фæндаг ссарæнт!

Кучиты Руслан, "Иры Стыр Ныхасы" Координацион Советы сæрдар