15-й Регион. Информационный портал РСО-Алания
Сейчас во Владикавказе
11°
(Облачно)
94 %
4 м/с
$ — 00,0000 руб.
€ — 00,0000 руб.
Страустæ — Ирыстоны
21.12.2011
16:06

Нæ иннæ æрмæджы хъайтарты амалхъомдзинады тренингтæ нæ бахъуыдысты. Æртæ азы размæ Архонкæйы цæрæг Хъæцмæзты æфсымæртæ сфæнд кодтой Цæгат Ирыстонмæ страустæ æрбаласын, кæд сын не «рдзон уавæртæ бынтон хорз не сты, уæддæр. Уый сæ къухы бафтыд, æмæ сын аразынц фермæ, ифтонг сын кæнынц инкубатор.

Къæлæу Орликыл мæй æмæ æрдæг йеддæмæ нæ цæуы, фæлæ йæ чи фена, уый æнæбафиппайгæ нæ фæуыдзæн. Йæхæдæг дæр алкæуыл цин кæны. Йæ хицауы фенгæйæ та, раст кафын райдайы. Ахæм цымыдисдзинæдтæ Хъæцмæзты æфсымæрты фермерон хæдзарады иу æмæ дыууæ нæй. 50 гектарыл дарынц фос, ныссагътой дыргъ бæлæстæ, скодтой цадтæ æмæ дзы ауагътой кæсаг. Саив кодтой сæ фæзуат. Æмæ ныртæккæ у рæсугъд æмæ зæрдæмæдзæугæ бынат. Куыстуарзаг адæмы æнæзæрдæхудт фæллой æхсызгондзинад хæссы фæлхасгæнджытæн дæр. сæ продукци сын æнæзонгæ нæу. Ныр та ма сфæнд кодтой страусты фермæ скæнын.

Цæгат Ирыстоны æрдзон уавæрты страустæ не мбæлынц. Фæлæ уæддæр фосыкуыстгæнджытæй чидæртæ сæ ныфс бахастой страусты фермæ саразынмæ. Куыд зæгъынц, афтæмæй, сæ пайда бирæ у. Фыццаджыдæр дзидза. Иу маргъы та 150 килограммæй къаддæр нæ вæййы. Иннæмæй йæ царм. Уый дæр зынаргъ у. Уæдæ æйчытæ дæр. Иу айк та 1 килограммæй къаддæр не рласы. Ныр уал 6 маргъы йеддæмæ нæ балхæдтой. Фæлæ куыд зæгъынц, афтæмæй, сыл тагъд бафтдзæн.

Хъæцмæзты Эдуард, фермер: «Нæ хистæр æфсымæримæ нæ бафæндыд страустæ дарын бафæлварын. Уæхæдæг æй уынут куыд дзæбæх сты, уый. Тынг æнцондарæн сты. Æмæ нæ пълæнты ис фæфылдæр сæ кæнын. Бирæ цыдæртæ сын нæ хъæуы. Сæ рацион сын зонæм. Хæринаг сын радтай æмæ дарддæр дæ хъуыддæгтæ кæн. Фосимæ абаргæйæ, тынг æнцон. Райсомæй æмæ изæрæй сын дæтт хæринаг, æхсæв сæ бакæ хъарм ран æмæ фæци».

Страустæ ам сты ныр 3 азы. Æмæ бирæтæ æнхъæл дæр нæ уыдысты, афтæ пайда рауайдзысты, уый. Сезонмæ иу страус æрæфтауы 70 айчы. Уайтагъддæр ауæй вæййынц. Уæдæ йæ дзидзайы килæ та у 1500-2000 сомы. Цæмæй бынæттон цæрджытæн асламдæр уа, уый тыххæй сæ хæдзарады кусджытæ фæнд кæнынц фæфылдæр кæнын. Фæлæ уæддæр фермерон хæдзарад æрмæст мæргътæй нæ рæзы. Хъæцмæзты æфсымæртæ ма фæнд кæнынц ног стурвос балхæнын.

Хъæцмæзты Эдуард, фермер: «Фæнды ма нæ ног швейцариаг хъомтæ балхæнын. Æмæ уыцы æхсырæй дæр кæнын швецариаг цыхт. Æмæ ма мæ цы зæгъын фæнды, нæ фыдæлтæ фосы куыст кодтой. Мах дæр уарзæм æмæ зонæм уыцы куыст æмæ йæ кæнæм. Уæдæ адæмæн дæр цæмæй пайда уа, уый нæ фæнды».

Амалхъом æмæ сæрæн адæймæгтæ æдзух архайынц сæ хъуыддаг фæуæрæхдæр кæныныл. Æмæ кæд бирæ зындзинæдтимæ æмбæлынц, уæддæр сæхицæн дæр пайда у, фæлхасгæджытæ йæ базонынц, чи цавæр продукци уадзы, уый. Куысты бынæттæ дæр фæзыны.
ГТРК «Алания»