Райдыдта 8-æм октябры, знон та йын скодтой хатдзæгтæ. Архайдтой дзы Дзæуджыхъæуы æппæт скъолатæ. Конкурс цæуы 5-æм аз. Алы хатт дæр ын вæййы бæлвырд темæ. Ныр та баст уыдис Джыккайты Шамилы цард æмæ сфæлдыстадимæ.
Сывæллæттæ йын бацæттæ кодтой йе мдзæвгæтæ, æвдыстой инсценировкæтæ, скодтой йын иллюстрацитæ йæ уацмыстæм, ныффыстой нывæцæнтæ. Жюри сбæрæг кодта хуыздæрты. Уыдон хорзæхгонд æрцыдысты кады гæххæттытæ æмæ зæрдылдарæн лæвæрдтæй.
Конкурсы сæйраг нысан уыд æрыгон фæлтæры хсæн парахатдæр кæнын ирон æвзаг.ГТРК «Алания»