Уæрæсейы радон хатт сахаты фатæг ивд арцæудзæн зымæгон рæстæгмæ
29.10.2010
16:23

Уæвгæ та, ацы хъуыддагмæ иухуызон цæстæнгас нæй. Иуты хъуыдымæ гæсгæ, рæстæг кæй аивынц, уый фадат дæтты, боны рухсæй фылдæр рæстæг пайда кæнын. Афтæмæй, электрон тых фæстауæрц кæнæн ис 4 миллиард киловаттæй фылдæр. Дохтырты хъуыдымæ гæсгæ та рæстæджы раив — баив æвзæрæрдæм зыны адæймаджы æнæниздзинадыл. Организм афæдзы рдæгмæ сахуыр вæййы иу ритмыл æмæ стæй йæхи хорз нал фенкъары. Специалистæ куыд зæгъынц, афтæмæй уыцы рæстæг адæймаг йе нæниздзинадмæ хъуамæ кæса уæлдай тынгдæр. Æххæст кæна дохтырты амындтытæ. Фылдæр рæстæг æрвитын хъæуы сыгъдæг уæлдæфмæ. Суткæмæ фынæй кæнын 7-8 сахаты. Фылдæр халсартæ æмæ дыргътæ хæрын.ГТРК «Алания»