15-й Регион. Информационный портал РСО-Алания
Сейчас во Владикавказе
-4°
(Облачно)
100 %
3 м/с
Январы Цæгат Ирыстоны æрцыд 55 фæндаггон фыдбылызы
01.03.2011
16:25

Мит кæй рауарыд, уый тыххæй нæ республикæйы фæндæгтыл сæвзæрд тæссаг уавæр. Уымæ гæсгæ фæндæгтыл æдасæй цæуыны паддзахадон инспекцийы кусджытæ архайынц сæрмагонд фæткмæ гæсгæ куыд Дзæуджыхъæуы, афтæ республикæйы æмæ федералон фæндæгтыл дæр. Шофыртæ, бырынцъаг фæндæгтыл уæлдай лæмбынæгæй хъуамæ æххæст кæной æппæт фæндаггон æгъдæуттæ. Паддзахадон автоинспекцийы кусджытæ нæ республикæйы шофыртæм сидынц, цæмæй ма машинæтæ фæндаджы рæбын ма скъæрой. Уый дæр уæлæмхасæн зындзинæдтæ æвзæрын кæны фистæгæй цæуæг адæмæн.
Зæгъæм, бæрæггæнæнтæм гæсгæ, январы нæ республикæйы æрцыд 55 фæндаггон фыдбылызы. Фæмард дзы 14 адæймаджы, 71 та фесты алыхуызон цæфтæ. Уыдоны хыгъды – 5 фæндаггон фыдбылызы сывæллæтты архайдимæ.
Цехъойты Заремæ, Фæндæгтыл æдасæй цæуыны паддзахадон инспекцийы пропагандæйы хайады инспектор: «Сывæллæттимæ аразæм бирæ мадзæлттæ, цæмæй ма хауой фæндаггон фыдбылызты. Фæлæ нæ уыцы фарстайы хъæуы ныййарджыты æххуыс дæр. Фæнды мæ сæм фæсидын – сæ сывæллæтты уынгмæ хъазынмæ куы рауадзынц, уæд сæм сæ хъус дарой. Фæнды мæ фæсидын шофыртæм дæр, цæмæй къæрцхъусдæр уой, уымæн æмæ сывæллæттæ ныххæцынц машинæтыл æмæ афтæмæй митыл бырынц. Уый дæр у тынг тæссаг».ГТРК «Алания»