Архайдтой дзы прокуратурæйы минæвæрттæ, тæрхондæтты пъырыстыфтæ, адвокаттæ, нотариустæ æмæ дины кусджытæ. Сæрмагондæй æрдзырдтой, иумæйаг барадон æгъдæуттæм гæсгæ кусын ахсджиаг кæй у, ууыл. Ныхас ма цыд экстремистон организациты архайдыл дæр. Сæ куыстæн кæрон скæныны фарстамæ фылдæр ргом аздахын хъæуы.

Æмбырды архайджытæ фæнысан кодтой, закъон куыд æххæстгонд цæуы, уыцы фарста дæр бакусинаг кæй у, уый. Сæйрагдæр та – æнæкоммерцион организациты архайд. Зæгъæм, фарон, тæрхондоны уынаффæмæ гæсгæ, йæ куыст баурæдтой «Лыгъд адæмы Кавказаг Советы» архайдæн.

Æмбырды ма бæрнон кусджытæ фæнысан кодтой, сæ куысты фылдæр æргом аздахын кæй хъæуы æнахъом сывæллæттæм æмæ хистæр фæсивæдмæ, цæмæй экстремистон организацитимæ къаддæр æмбæлой, уый тыххæй.ГТРК «Алания»