1995 азы октябры мæйы Уæрæсейы чемпионаты дыууæ туры сыгъзæрин майдантæ рамбулынæн ирон клуб «Спартак-Алани»-йæн иу очко не сфаг. Фæлæ хæрæгсастыл ныфсхаст коллектив ахуыр нæ уыд. 21 октябры мæскуыйаг ЦСКА-йы ныхмæ матчмæ дзæуджыхъæуккаг командæ араст уæлахиз кæнынмæ.

ЦСКА-йы хъазджытæм æндæр фæндтæ уыд, æмæ фыццаг таймы уазджыты сæ разæй скодтой. Фæлæ æрулæфты размæ «Спартак-Алани» цырд контратакæ акодта, æмæ ерысæмбæлттæ ракодтой Сергей Деркачы дуаргæсимæ лæгæй-лæгмæ. Æрдæгхъахъхъæнæг фидар гол бокодта. Дыккаг таймы размæ та Джиоты Инал флангыл стох кодта пуртийыл æмæ йæ Канишевмæ баппæрста. Форварды фидар цæфы фæстæ пурти штангæйыл сæмбæлд æмæ Тедеты Бахвæмæ бахауд. Уыйадыл дзæуджыхъæуккæгты лæбурдтыты раздзог хыгъд сæхгæдта.

Афтæмæй, 1995 азы 21 октябры “Спартак-Алани” фыццаг хатт историйы сси Уæрæсейы чемпион. Уыцы изæр Цæгат Ирыстоны буквалон æгъдауæй “хъуыст уæлахизы салют”.

Уыцы æнтысты кой кæнгæйæ,  у зæгъын, 90-æм азты астæу Дзæуджыхъæуы футболæн сæрмагонд бынат кæй уыд. Зæгъæн ис, æмæ Цæгат Ирыстоны нæлгоймаг-цæрджытæ «йæ бæрзонддзинадыл» уæлдай æнувыд уыдысты. Матчты рæстæджы-иу уынгты змæлæг нал уыд. ««Спартак-Алани» уæрæсейаг фæзты канд æвæджиауы хъомыс не ‘вдыста, фæлæ ма æмбисонды тых, уыцы тых адæмы иу кодта, сæ зæрдæтæ сын рухс кодта. Уыцы рæстæджы уый Цæгат Кавказы цæрджытæн уæлдай ахсджиаг уыд, уымæн æмæ адæм фыдæфхæрд уыдысты национ быцæутæ æмæ кæцыдæр политикты тугмондаг амбицитæй. Ирыстоны сæйраг командæ уыд сабыр царды дæнцæг. Йе сконды хæларæй архайдтой алы адæмты минæвæрттæ, уыдон алы матчы дæр æвдыстой иудзинад, стæй ма ирд, лæбурæг футбол. Ахæм командæйы фарс хæцыны тыххæй æмæ йæ архайдимæ экстра-кълассы хъазт феныны тыххæй горæтмæ цыдысты командæйы фарсхæцджытæ сыхаг республикæтæй æмæ Хæдбар Паддзахæдты Цæдисы паддзахадтæй.

Цæгат Ирыстоны парламенты сæрдар Тускъаты Таймураз куыд загъта, афтæмæй уæд командæйы æнтыстдзинæдты бындуры уыдысты курдиатджын футболистты иудзинад æмæ республикæйы спорты рæзты бæлвырд стратеги.

«Уæд æрмæст сæйраг командæ нæ, фæлæ ма клубтæ «Иристон» æмæ «Автодор» цæттæ кодтой бæрзонд æмвæзады спортсменты. Ууыл архайдтой Æлбегонты Хасаны хуызæн тыхджын, сæ куыстыл æнувыд, спорты рæзтæй чи цард, ахæм разамонджытæ», – загъта Тускъаты Таймураз.

Нæ командæйы къона кæддæриддæр уыд республикон стадион «Спартак». Йæ реконструкциимæ баст хабар тынг æхсызгон у.