Ирон футболы хъомылгæнинæг Цæллагты Ибрагимы нымадæй, «Сочи» Уæрæсейы чемпионаты кæй рамбылдта, уыцы æвзист майдантæ сты клубы æппæт кусджыты разæнгард фæллойы хатдзæг. РПЛ-ы 30-æм туры ивгъуыд матчы хуссайрæгтæ Мæскуыйы фæуæлахиз сты «Динамо»-йыл 5:1 хыгъдимæ æмæ схызтысты Уæрæсейы чемпионаты таблицæйы кæронбæттæны дыккаг бынатмæ.

«Нæхи цæттæ кодтам. Ацы æнтыстытæ сты нæ фæллойы хатдзæгтæ. Фæндаг цас уæззаудæр уа, уыйбæрц хорзæх адджындæр уыдзæн. Се ‘ппæт дæр зæрдиаг куыст бакодтой: хъахъхъæнæгæй президенты онг. Уæлдай бузныг зæгъын нæ бинонтæн, не ‘нтыстытæм бæллынц, тынг ныл тыхсынц. Абон махæн бæрæгбон у, ацы æвзист мах у. Рахицæн кæнын мæ фæнды не ‘ппæт командæ дæр, æмæ ма фæбæрæг кæндзынæн, нæ фæсчъылдым стыр командæ кæй ис. Се ‘ппæт дæр хорз бакуыстой, стыр бузныг сын зæгъын», – загъта уый.

Радон сезонмæ пълæнттыл дзургæйæ, футболист фæбæрæг кодта, коллектив йе ‘ппæт тыхтæ алы матчы дæр уæлахизæн кæй дæтдзæн.

«Мах æрбацæуæм нæ бинонтæм, нæ хæдзæрттæм, æмæ нæ фæнды нæ фарсхæцджыты цæстытæм æнæгуызавæйæ кæсын», – бафтыдта йæ ныхасмæ Цæллагты Ибрагим.