Цæгат Ирыстонæн рахицæн кæндзысты 45 ног трамвайон вагоны. Ацы хабар майрæмбоны трамвайон депомæ балцы фæлгæты фехъусын кодта республикæйы сæргълæууæджы хæстæ рæстæгмæ æххæстгæнæг Сергей Меняйло.

«Ног змæлæг сконд самал кæныны фарст Минпромторгимæ лыггонд æрцыд, бахатыдыстæм фыццаг 10 вагоны ацы азы кæронмæ райсыны тыххæй, иннæ 35 вагоны та — иннæ азы æмгъуыдмæ. Иу трамвайы аргъ у 37 млн сомы. Хорз вагонтæ сты, нырыккон. Дыууæ бахизæны ныллæг сты, иу та — стандартон, ифтонггарз дæр — бынтон æндæр æмвæзадыл. Трамвай у социалон æгъдауæй ахадгæ транспорты хуыз, сконды ногкæнынад билеты аргъыл нæ фæзындзæн», — фæбæрæг кодта регионы разамонæг.

Ныртæккæ горæты хæххытыл ис 11 трамвайы, уæлдæр бæрæггонд куыд æрцыд, афтæмæй фидæнмæ суыдзысты 45.

Сергей Меняйло куыд бахахх кодта, афтæмæй республикæйы ацы къабазы лицензигонд ахуырадон уагдæттæ нæй, фидæны скъæрджыты ахуырмæ арвитдзысты æндæр регионтæм.