Рог атлетикæйы архайæг спортсмен Кобесты Чермен йæ удвидары руаджы рамбылдта Токиойы Паралимпиадæйы бронзæ майдан 400 метры дугъы. Ацы хабар спортсмен ракодта журналисттæн. Чермены хатдзæг у 50,44 секунды. Финишы фæстæ Кобесты Чермен йæ цæстысыгтæ нал баурæдта æмæ скодта футболкæ йæ мады къамимæ.

«Эмоцитæ сæхион кæнынц, мæ царды бирæ цыдæртæ æрцыд. Уæлдай зындæр та уый у, æмæ мæ мад нал ис, æз та йын йæ бæллиц сæххæст кодтон. Ацы æнкъарæнтæн бамбарын кæнæн нæй. Коронавирусы фæстæ абон æрмæст мæ удыхъæды руаджы дугъ кодтон, алцыппæт дæр мæ мады руаджы, уый уыд хъæддых æмæ тыхджын сылгоймаг. Мæ мады стырдæр бæллиц уыд фенын мæ уæлахиз дæргъмæ гæппытæй. Мæ зæрдæ дарын, райсом дæр та йын йæ зæрдæ гæппытæй дæр кæй барухс кæндзынæн. Æз архайын цыппар ерысгæнæн хуызы, æмæ сæдæ метры дистанцийы иу сæдæймаг куы фæхæрд дæн, уæд мын тынг зын уыди. Абон дæр мæм приз куы нæ æрхаудаид, уæд мын райсом тынг зын уыдаид архайын, фæлæ абоны майданы фæстæ райсом ерыстæм рацæудзынæн уæнгрогæй», — фæбæрæг кодта спортсмен.