Обнинскы ахицæн сты Уæрæсейы Кубокы æвзарæн ерыстæ ленк кæнынæй. Ерысты бацархайдтой Цæгат Ирыстойнаг спортсментæ Дмитрий Бибиков æмæ Георгий Глущенко.

“Амынд старт лæппутæн дæтты Уæрæсейы Кубокы кæнбæттæнмæ бахауыны бар, уый уыдзæн сæрды райдианы. Мартъийы кæрон та Бибиков, Тæкъойы фырт æмæ Глущенко ацæудзысты Уæрæсейы Чемпионатмæ Хъазанмæ. Уæрæсейы Кубокы кой кæнгæйæ та подиуммæ нæ баленк кодтам, фæлæ лæппутæ бахаудысты хуыздæр спортсменты номхыгъдмæ. æрмæст иу 100 метровкæйы уæгъдибар стилы ленк кодта 90 ленкгæнæджы. Раздзогты хыгъдмæ бахауын, тыхджындæр æмæ фæлтæрдджындæр спортсментимæ конкуренци кæнын – уый махæн хорз хатдзæг у. Уырны мæ, тагъд рæстæджы бæрæг кæндзыстæм ирон ленкгæнджыты егъау æмæ зынгæ уæлахизтæ. Мах стæм фæндаджы райдианы, алцыппæт дæр тынг зæрдæмæдзæугæ хуызы цæуы”, – радзырдта Цæгат Ирыстоны ленккæнынады федерацийы президент Татьяна Нежид.